ရောင်နီ(NSS) - ဖေဖော်ဝါရီ ၁၈

         တရုတ်ပြည်မှာ တရုတ်အက္ခရာ စက္ကူအနီတွေနဲ့စီခြယ်ထားတဲ့ အများသုံးလျှပ်စစ်ဘတ်စ်ကားကို မင်္ဂလာဘတ်စ်ကားအဖြစ် ပြောင်းလဲကာ လမ်းမပေါ် အမိုက်စား မင်္ဂလာပွဲ ကျင်းပမှုများ ခေတ်စားနေပါတယ်။

        "မင်္ဂလာဆောင်ဘတ်စ်ကားက ကျွန်မမိသားစုနဲ့ သူငယ်ချင်းတွေ အားလုံးဆန့်လောက်အောင် ကျယ်ပါတယ်။ကျွန်မတို့အတူတူထိုင်ပြီး လမ်းတစ်လျှောက် သီချင်းဆို၊ ဂိမ်းတွေဆော့ရင်း ပျော်ရွှင်ခဲ့ကြတယ်"လို့  တရုတ်နိုင်ငံအရှေ့ပိုင်း ကျန်ရှီပြည်နယ် မြို့တော်နမ်ချန်မှာ ဘတ်စ်ကားနဲ့ မင်္ဂလာပွဲပြုလုပ်ခဲ့တဲ့ ကြင်စဦးဇနီး ကျန်ချင်ချန်က ပြောကြားခဲ့ပါတယ်။ မင်္ဂလာပွဲနေ့အကြိုဆိုရင် စုံတွဲက ဘတ်စ်ကားရပ်ထားတဲ့ ကားပါကင်ကို လာရာက်ပြီး ၎င်းတို့ရဲ့ သူငယ်ချင်းတွေနဲ့အတူ ဖဲကြိုးဆင်ခြင်း၊ စက္ကူဆင်ခြင်း၊ မီးပုံး အလှဆင်ခြင်းများ ပြုလုပ်ကြလေ့ ရှိပါတယ်။ 

Nanchang Public Transportation Group ရဲ့ အဆိုအရ မင်္ဂလာဘတ်စ်ကား အငှားဝန်ဆောင်မှု စတင်ခဲ့တဲ့ ၂၀၂၃ ခုနှစ် မတ်လမှစ ယနေ့ထိအတွင်း စုံတွဲ ၁၀၀ ခန့်ထိဟာ ၎င်းတို့ ဘက်စ်ကားတွေနဲ့ မင်္ဂလာပွဲ ကျင်းပခဲ့တယ်လို့ သိရပါတယ်။အဆိုပါ မင်္ဂလာဘတ်စ်ကား အငှားဝန်ဆောင်မှုကို ဂန်ဒေါင်၊ ကျန်းဆု၊ ရှန်ဒေါင် ပြည်နယ်ရှိ မြို့များစွာမှာ ရရှိနိုင်ပြီ ဖြစ်ပါတယ်။ ဘတ်စ်ကားငှားရမ်းခတွေကတော့ ခရီးအကွာအဝေးနဲ့ ဘတ်စ်ကားစီးနင်းတဲ့ အချိန်အပေါ်မူတည်ပြီး ယွမ်ရာဂဏန်းမှ ထောင်ဂဏန်းအထိ ရှိတယ်လို့သိရပါတယ်။