ရောင်နီ(NSS) - ဖေဖော်ဝါရီ ၁၈

          တောင်ကိုရီးယား မင်းသမီးချော ကက်ယိုးဂျွန်ဟာ ပြီးခဲ့တဲ့ ဖေဖော်ဝါရီလ ၁၅ ရက်က အဓိပ္ပာယ်ရှိတဲ့ အလှူတစ်ခု ပြုလုပ်ခဲ့ပါတယ်။ 

           သူမက Korea Children's Cancer Foundation မှ ကိုယ်စားလှယ်တစ်ဦးမှတစ်ဆင့် ကလေးကင်ဆာနဲ့ သွေးကင်ဆာရောဂါ ခံစားနေရတဲ့ ကလေးငယ်များအတွက် ဝမ်သန်း ၁၀၀ (ခန့်မှန်းခြေအားဖြင့် အမေရိကန်ဒေါ်လာ ၇၅ဝဝဝ) လှူဒါန်းခဲ့ခြင်းပဲ ဖြစ်ပါတယ်။ သူမရဲ့ အလှူငွေတွေကို  ကလေးကင်ဆာ၊ သွေးကင်ဆာနဲ့ ရှားပါးတဲ့ ကုသလို့မရတဲ့ ရောဂါတွေ ခံစားနေရတဲ့ ကလေးတွေအတွက် ကုသစရိတ်တွေကို ကာမိဖို့ အသုံးပြုသွားမှာ ဖြစ်တယ်လို့ သိရပါတယ်။ 

ကင်ယိုးဂျွန်ကလည်း "ကလေးတွေဟာ သူတို့ရဲ့ အိပ်မက်တွေ မပျောက်ပျက်ဘဲ နှစ်သစ်မှာ ပိုကျန်းမာလာမယ်လို့ မျှော်လင့်ပါတယ်" လို့ ပြောကြားခဲ့ပါတယ်။ Korea Children's Cancer Foundation မှ ဒါရိုက်တာ ဟန်ဆန်ယွန်းက “သူမရဲ့ နွေးထွေးတဲ့ ပံ့ပိုးကူညီမှုအတွက် မင်းသမီး ကင်ယိုးဂျွန်ကို ကျေးဇူးတင်ပါတယ်၊ ကလေးကင်ဆာနဲ့ သွေးကင်ဆာ ခံစားနေရတဲ့ ကလေးတွေအတွက် နောက်ထပ်ချစ်ခြင်းမေတ္တာများစွာကိုလည်း တောင်းဆိုပါတယ်" လို့ ပြောကြားခဲ့ပါတယ်။ 

            ကင်ယိုးဂျွန်ဟာ SBS ဒရာမာ “My Demon” မှာ ဒိုဒိုဟီး အဖြစ် ပါဝင်သရုပ်ဆောင်ခဲ့ပြီး သူမရဲ့ ရင့်ကျက်တဲ့ သရုပ်ဆောင်မှုကြောင့်  2023 SBS ဒရာမာဆုပေးပွဲ Rom-Com Miniseries အမျိုးအစားမှာ ထိပ်တန်း Excellence ဆု ရရှိထားပါတယ်။