Pearl (NSS) - ဇန်နဝါရီ ၇

ဇရပ်ကြီးမြို့ရှိ တပ်မတော်လုံခြုံရေးစခန်းများ နှင့်  ရဲစခန်းတို့ကို KNLA ၊ PDF ပူးပေါင်းအဖွဲ့က ဝင်ရောက်တိုက်ခိုက်ပြီး တိုက်ပွဲပြင်းထန်ခဲ့ကြောင်း လုံခြုံရေးတပ်ဖွဲ့နှင့် နီးစပ်သူများထံမှ သိရသည်။ 

ယနေ့(ဖေဖော်ဝါရီလ ၇ ရက်)၊ နံနက်ပိုင်းက ပဲခူးတိုင်းဒေသကြီး၊ ထန်းတပင်မြို့နယ်၊ ဇရပ်ကြီးမြို့ရှိ  တပ်မတော် လုံခြုံရေးစခန်းများ နှင့် ရဲစခန်းကို KNLA ၊ PDF ပူးပေါင်းအဖွဲ့က ဝင်ရောက်တိုက်ခိုက်မှုများ ပြုလုပ်ခဲ့ခြင်းဖြစ်ကြောင်း သိရသည်။ 

 "မနက် ၁ နာရီလောက်မှာ ထိတွေ့တိုက်ပွဲဖြစ်တယ်။ တပ်မတော်ဘက်က လေယာဉ်နဲ့လည်း ပစ်ကူပေးတယ်။ အခု ညနေ (၄)နာရီလောက်မှာ ပြန်ဆုတ်သွားပြီ။ နှစ်ဖက် အကျ အဆုံးတော့ရှိပေမယ့် အတိအကျမသိရသေးဘူး" ဟု လုံခြုံရေးတပ်ဖွဲ့နှင့်နီးစပ်သူတစ်ဦးက NSS ကို ပြောသည်။ 

လက်ရှိတွင် ဇရပ်ကြီးမြို့ရှိ လုံခြုံရေးတပ်ဖွဲ့များ၏ စခန်းများကို KNLA ၊ PDF ပူးပေါင်းအဖွဲ့အနေဖြင့် သိမ်းပိုက်ထားနိုင်သည့် အခြေအနေ မရှိကြောင်း သိရသည်။ ဇရပ်ကြီး- ကျွဲပွဲလမ်း ၊ မြို့စိုးရွာအနီးရှိ စစ်တောင်းမြစ်ကူးတံတား (မြို့စိုးတံတား)ကိုလည်း KNLA ၊ PDF ပူးပေါင်း အဖွဲ့က မိုင်းခွဲဖျက်ဆီးမှုများ ပြုလုပ်ထားကြောင်း သိရသည်။