စော (NSS) - ဖေဖော်ဝါရီ ၇

ဂျပန်နိုင်ငံတွင် သုတေသနလုပ်ကိုင်လိုသူများ The MIF Research Fellowship Program 2025 ပညာသင်ဆု လျှောက်ထားနိုင်ကြောင်း တိုကျိုမြို့ရှိ မြန်မာသံရုံးက ကြေညာထားသည်။

အဆိုပါပညာသင်ဆုသည် ဂျပန်နိုင်ငံတွင် သုတေသနလုပ်ကိုင်လိုသူများအတွက် ရည်ရွယ်ပါကြောင်း မြန်မာသံရုံးက ဆိုသည်။

လျှောက်ထားလိုသူများသည် Ph.D. (Doctoral degree) ရရှိထားရမည်ဖြစ်ပြီး အသက်(၄၉)နှစ် ထက်မကျော်လွန်သူဖြစ်ရန်လိုအပ်ကြောင်း ထုတ်ပြန်ထားသည်။

လျှောက်ထားသူများအနေဖြင့်  အင်္ဂလိပ်ဘာသာ (သို့) ဂျပန်ဘာသာစကား  တတ်ကျွမ်းရမည်ဖြစ်ပြီး ဂျပန်နိုင်ငံတွင် နေထိုင်လျက်ရှိသူများ/နေထိုင်ခဲ့သူများ လျှောက်ထား၍ မရနိုင်ကြောင်း သိရသည်။

ထို့ပြင် သဘာဝသိပ္ပံ၊ အင်ဂျင်နီယာနှင့် ဆေးပညာကဲ့သိုသော သုတေသနနယ်ပယ်များအား ဦးစားပေးသွားမည်ဖြစ်ပြီး မိခင်နိုင်ငံတွင် အသက်မွေးကျောင်းအလုပ်တစ်ခုရှိရမည်ဖြစ်ကြောင်း သိရသည်။

အဆိုပါ ပညာသင်ဆုကို ထောက်ပံ့ရာတွင်(၁၅) ဦးအား  ပေးအပ်သွားမည်ဖြစ်ပြီး ထောက်ပံ့ကြေး ရရှိမည့်ကာလမှာ ၂ဝ၂၅ ခုနှစ်၊ ဧပြီလ မှ ၂ဝ၂၆ ခုနှစ်၊ မတ်လအထိဖြစ်ကြောင်း သိရသည်။

လျှောက်လွှာများကို MIF ၏ Email  application@mif-japan.orgသို့ ဧပြီလ ၁ ရက်မှ ဇွန်လ ၃ဝ ရက်အထိ (ဂျပန်စံတော်ချိန်အတွင်း) လျှောက်ထားနိုင်ကြောင်း သိရသည်။