သန့်ဇင် (NSS) - ဖေဖော်ဝါရီ ၅

ဘရော်နီကာသည် ထိုင်းဖိုက်တာမယ်ကို ပထမအချီ၌ ဒိုင်ပွဲရပ် နှင့် ထိုးသတ်နိုင်ခဲ့ပြီး ပွဲစဉ် ၁၇ ပွဲဆက် အနိုင်ရရှိသူဖြစ်ခဲ့ကြောင်း သိရသည်။

မြန်မာနိုင်ငံ ကိုယ်စားပြု ဘရော်နီကာသည် ယမန်နေ့(ဖေဖော်ဝါရီလ ၄ ရက်)တွင် ထိုင်းနိုင်ငံ၊ Hua Hin မြို့၌ ထိုင်းဖိုက်တာမယ် Nongbew Tor Thepsutin နှင့် ယှဉ်ပြိုင်ထိုးသတ်ခဲ့ရာ ပထအချီမှာပင် ဒိုင်ပွဲရပ်ဖြင့် အနိုင်ရရှိခဲ့ခြင်းဖြစ်သည်။

အသက်(၂၇)နှစ်အရွယ်ရှိ ဘရော်နီကာသည် အဆိုပါပွဲစဉ်ကို အနိုင်ရရှိပြီးနောက် ထိုင်းမွေထိုင်းပွဲစဉ်များတွင် (၁၇)ပွဲဆက်တိုက် အနိုင်ရရှိသူ ဖြစ်ခဲ့ကြောင်း သိရသည်။

ဘရော်နီကာအနေဖြင့် အဆိုပါပွဲစဉ်တွင် ထိုးသတ် အနိုင်ရရှိပြီးနောက် ၎င်း၏လူမှုကွန်ရက်စာမျက်နှာမှ တစ်ဆင့်” ပြိုင်ပွဲတော့တွေ့တဲ့ အတိုင်း။ အားပေးတဲ့အယောက်ဆီတိုင်း ကျေးဇူးအများကြီးတင်တယ်ရှင့်။ အားလုံးကိုချစ်တယ်နော်”ဟု ရေးသားထားသည်ကိုလည်း တွေ့ရသည်။

ထို့ပြင့် ၎င်းသည် မြန်မာ့လက်ဝှေ့ပြိုင်ပွဲများကို ယှဉ်ပြိုင်ထိုးသတ်ခဲ့ဖူးသူဖြစ်ပြီး ကိုဗစ်-၁၉ ဖြစ်ပွားချိန်တွင် ထိုင်းနိုင်ငံသို့ မွေထိုင်းပွဲစဉ်များ သွားရောက်ယှဉ်ပြိုင်ခဲ့ကာ ထိုင်း၊ ဘရာဇီး၊ အီရန်၊ အီတလီ၊ ဂရိ၊ အာဂျင်တီးနားနှင့် ဗီယက်နမ်နိုင်ငံတို့၏ အမျိုးသမီးဖိုက်တာများကို အနိုင်ရယူထားသူလည်း ဖြစ်သည်။

လက်ရှိတွင် ဘရော်နီကာသည် မွေထိုင်းလက်ဝှေ့ပြိင်ပွဲကျင်းပရေးအဖွဲ့ဖြစ်သည့် Thai Fight နှင့်(၃)နှစ် စာချုပ်ချုပ်ဆိုထားကြောင်း သိရသည်။ မြန်မာနိုင်ငံကိုယ်စားပြု ဘရော်နီကာ သည် ပြီးခဲ့သည့် ဒီဇင်ဘာလ ၂၄ ရက်တွင်လည်း ထိုင်းဘုရင့်ဖလားဗိုလ်လုပွဲစဉ်အဖြစ် ထိုင်းဖိုက် တာမယ် Phayasingh နှင့် ယှဉ်ပြိုင်ထိုးသတ်ခဲ့ပြီး ထိုင်းဘုရင့်ဖလားချန်ပီယံဆုကို (၂)ကြိမ်ဆက်တိုက် အနိုင်ရယူထားသူဖြစ်သည်။