ဂျန်ဇက် (NSS) - ဇန်နဝါရီ ၂၈ 

တရုတ်နဲ့အမေရိကန်အစိုးရတာဝန်ရှိသူတွေဟာ  ထိုင်းနိုင်ငံဘန်ကောက်မြို့မှာ တွေ့ဆုံဆွေးနွေးချိန်အတွင်း မြန်မာအရေးကိုလည်း ထည့်သွင်းဆွေးနွေးခဲ့ကြောင်း သိရပါတယ်။

ထိုင်းနိုင်ငံက အိမ်ရှင်အဖြစ်လက်ခံကျင်းပခဲ့တဲ့ အမေရိကန်အမျိုးသားလုံခြုံရေးကောင်စီအကြံပေးဖြစ်သူ ဂျိတ်ဆူလီဗန်ဟာ တရုတ်နိုင်ငံခြားရေးဝန်ကြီးဝမ်ယိနဲ့တွေ့ဆုံဆွေးနွေးခဲ့ပြီး ထိုင်ဝမ်အရေး၊ အီရန် နဲ့ မြန်မာ နိုင်ငံရေးကိစ္စတွေကို ထည့်သွင်းဆွေးနွေးခဲ့ကြောင်း သိရပါတယ်။

တရုတ်နိုင်ငံခြားရေးဝန်ကြီးက ထိုင်ဝမ်အရေးကိစ္စက တရုတ်နိုင်ငံရဲ့ပြည်တွင်းရေးကိစ္စဖြစ်ကြောင်း၊ မကြာသေးမီ က ထိုင်ဝမ်မှာပြုလုပ်တဲ့ရွေးကောက်ပွဲဟာ တရုတ်နိုင်ငံရဲ့အစိတ်အပိုင်းဖြစ်တယ်ဆိုတဲ့အချက်ကို ပြောင်းလဲလို့ မရနိုင်ကြောင်း ပြောပါတယ်။ 

တရုတ် နဲ့ အမေရိကန်တို့ဟာ ထိုင်ဝမ်အရေးကိစ္စနဲ့ပတ်သက်ပြီး မကြာသေးမီက တင်းမာမှုအရှိန်မြင့်တက်လာခဲ့ပြီး အမေရိကန်စစ်သင်္ဘာတွေဟာ ထိုင်ဝမ်ရေလက်ကြားကို ဖြတ်သန်းဝင်ရောက်တာမျိုးတွေလည်း ရှိခဲ့ကြောင်း သိရပါတယ်။ တရုတ်အစိုးရက အမေရိကန်ရဲ့လုပ်ရပ်က အခက်အခဲပြဿနာဖြစ်စေဖို့ နဲ့ ရန်စတဲ့ လုပ်ရပ်တွေဖြစ် ကြောင်း ဝေဖန်ပြစ်တင်ခဲ့ပါတယ်။ 

အမေရိကန်အစိုးရဟာ တရုတ်နိုင်ငံကို ဟူသီလက်နက်ကိုင်အုပ်စုရဲ့တိုက်ခိုက်မှုတွေကို အဆုံးသတ်နိုင်အောင် အီရန်နိုင်ငံကို တောင်းဆိုပေးဖို့ တောင်းဆိုခဲ့ကြောင်း သိရပါတယ်။ ဂျိတ်ဆူလီဗန် နဲ့ ဝမ်ယိတို့တွေ့ဆုံဆွေးနွေးပွဲဟာ ၂ ရက်အတွင်း အချိန် ၁၂ နာရီကြာမြင့်ခဲ့ကြောင်း သိရပါတယ်။ 

ဂျိတ်ဆူလီဗန်နဲ့ ဝမ်ယိတို့တွေ့ဆုံဆွေးနွေးချိန်အတွင်း တရုတ်သမ္မတရှီကျင့်ဖျင့်နဲ့ အမေရိကန်သမ္မတဂျိုးဘိုင်ဒန် ကြား အပြန်အလှန်ဖုန်းဆက်ဆွေးနွေးပြောဆိုတာမျိုးတွေ လုပ်ဆောင်ဖို့သဘောတူညီခဲ့ကြောင်း ဆိုပါတယ်။