ဇီလန်စကီးမှာ တရားဝင်မှုမရှိတော့ကြောင်း ကရင်မလင်ပြော
ALynn (NSS) - ဇူလိုင် ၂၅
မော်စကိုနှင့်ကိယက်ဗ်တို့ ငြိမ်းချမ်းရေးဆွေးနွေးပွဲများကျင်းပရန် သဘောတူလိုက်သည့်အခါ ယူကရိန်းခေါင်းဆောင် ဗလာဒီမာဇီလန်စကီး၏ သံသယဖြစ်ဖွယ်အခြေအနေသည် ပြဿနာရှိလာနိုင်ကြောင်း ကရင်မလင်၏ ပြော ရေးဆိုခွင့်ရှိသူ ဒီမီထရီပက်စကော့ဗ်က သတင်းထောက်များအား ဗုဒ္ဓဟူးနေ့ (ဇူလိုင်လ ၂၄ ရက်)တွင် ပြောကြားခဲ့သည်။ အစောပိုင်းတွင် ရုရှားသမ္မတ ဗလာဒီမာပူတင်သည် ဇီလန်စကီး၏တရားဝင်ဖြစ်မှုကို မေးခွန်းထုတ်ခဲ့ပြီး ၎င်း၏ ရာထူးသက်တမ်းသည် တရားဝင်သက်တမ်းကုန်ဆုံးသွားပြီဖြစ်ကြောင်း မှတ်ချက်ပြုခဲ့သည်။
"သမ္မတဇီလန်စကီးက သူ့ရဲ့တရားဝင်မှုကို သေချာပေါက် ဆုံးရှုံးသွားပြီလို့ သမ္မတက ထပ်ခါတလဲလဲပြောခဲ့ပါတယ်"ဟု ပက်စကော့ဗ်မှသတင်း ထောက်များအား ပြောကြားခဲ့သည်။ ဇီလန်စကီး၏ သမ္မတသက်တမ်းသည် မေလ ၂၀ ရက်နေ့တွင် တရားဝင် သက်တမ်းကုန်ဆုံးသွားခဲ့သည်။ ရုရှားနှင့် ပဋိပက္ခကြောင့် စစ်အုပ်ချုပ်ရေး ချမှတ်ထားသည့်အတွက် ၎င်းစစ်အုပ်ချုပ် ရေးကို အကြောင်းပြ၍ မတ်လတွင် ရွေးကောက်ပွဲ ကျင်းပခြင်းမပြုခဲ့ပေ။ ၎င်း၏လုပ်ပိုင်ခွင့်ကို ယူကရိန်းဥပဒေနှင့်အညီ သက်တမ်းတိုးခဲ့ကြောင်း ဇီလန်စကီးက ဖော်ပြခဲ့သည်။
မကြာသေးမီလများအတွင်း ပူတင်က ယူကရိန်းဖွဲ့စည်းပုံ အခြေခံဥပဒေနှင့် အခြားဥပဒေများကို ခွဲခြမ်းစိတ်ဖြာ၍ ဇီလန်စကီး အာဏာဆက်ရှိနေစေမည့် အကြောင်းအရင်းမရှိကြောင်း ပူတင်က မကြာခဏပြောခဲ့သည်။ ယူကရိန်းဖွဲ့စည်းပုံ အခြေခံဥပဒေ ပုဒ်မ ၁၁၁ ကို ကိုးကား၍ ရုရှားသမ္မတ ပူတင်က ဇီလန်စကီး၏ အာဏာများကို ယူကရိန်းလွှတ်တော်ဥက္ကဋ္ဌထံ လွှဲပြောင်းပေးသင့်ကြောင်း မေလတွင် ဖော်ပြခဲ့သည်။
သို့သော် ယူကရိန်းလွှတ်တော်ဥက္ကဋ္ဌ Ruslan Stefanchuk က ဇီလန်စကီးသည် တရားဝင် နိုင်ငံတော်၏ အကြီးအကဲဖြစ်ကြောင်း အခိုင်အမာပြောဆိုခဲ့ပြီး ၎င်း၏တရားဝင်မှုကို မေးခွန်းထုတ်သူတိုင်းသည် "ရန်သူ" ဖြစ်သည်ဟု တုံ့ပြန်ခဲ့သည်။ ဗုဒ္ဓဟူးနေ့အစောပိုင်းက တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အမျိုးသမီး Mao Ning က “ယူကရိန်း နိုင်ငံခြားရေးဝန်ကြီး Dmitry Kuleba သည် မော်စကိုနှင့် ငြိမ်းချမ်းရေး ဆွေးနွေးရန် အသင့်ရှိပြီး ဆန္ဒရှိကြောင်း ဘေဂျင်းသို့ သွားရောက်စဉ်တွင် ရှင်းလင်းပြောကြားခဲ့ကြောင်း” ဖော်ပြခဲ့သည်။
မော်စကိုက ယူကရိန်း၏ ရပ်တည်ချက် အသေးစိတ်ကို စောင့်မျှော်နေမည်ဟု တုံ့ပြန်ခဲ့သည်။ "Kuleba ကိုယ်တိုင်က ဒီလိုပြောဆိုမှုတွေကို ကျွန်တော်တို့ မကြားမိပါဘူး"ဟု ပက်စကော့ဗ်က ဗုဒ္ဓဟူးနေ့တွင် ပြောကြားခဲ့သည်။ ရုရှားနှင့် ယူကရိန်းကြား စေ့စပ်ညှိနှိုင်းမှုသည် ၂၀၂၂ ခုနှစ် နွေဦးပေါက်တွင် ပျက်သွားခဲ့ပြီး လက်တွေ့မကျသော တောင်းဆိုမှုများ ပြုလုပ်နေသည်ဟု နှစ်ဖက်စလုံးက စွပ်စွဲခဲ့သည်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အာဆီယံအဖွဲ့မှာ ပုံမှန်အဆင့်တန်းမျိုးပြန်လည်ရရှိဖို့ မြန်မာအစိုးရမျှော်လင့်နေဟုဆို
RELATED POSTS
03 Sep 2024 | နိုင်ငံရေး,နိုင်ငံတကာ
03 Sep 2024 | နိုင်ငံရေး,ပြည်တွင်း