Pika (NSS) - စက်တင်ဘာ ၄

ယူကရိန်းနိုင်ငံခြားရေးဝန်ကြီး ဒီမစ်ထရီကူလီဘာဟာ စက်တင်ဘာလ(၄)ရက်နေ့မှာ ၎င်းရဲ့နုတ်ထွက်စာကို လွှတ်တော်ကိုတင်သွင်းခဲ့တယ်လို့ လွှတ်တော်ဥက္ကဋ္ဌ ရူစလန်စတီဖန်ချက်က ပြောကြားခဲ့ပါတယ်။

ယူကရိန်းသမ္မတဇီလန်စကီးဟာ အခြားအစိုးရအဖွဲ့ဝင်လေးဦးကို မကြာသေးခင်က ဖြုတ်ချခဲ့ပြီးနောက် ယခုလိုဖြစ်ရပ်တွေဖြစ်ပွားခဲ့တာဖြစ်ပါတယ်။ ဥရောပပေါင်းစည်းရေးဆိုင်ရာ ဒု၀န်ကြီးချုပ် Olga Stefanishina၊ စက်မှုလုပ်ငန်းဝန်ကြီး Aleksandr Kamyshin၊ တရားရေးဝန်ကြီး Denis Maliuski နဲ့ ပတ်ဝန်းကျင်ထိန်းသိမ်းရေးဝန်ကြီး Ruslan Strilets တို့ဟာ စက်တင်ဘာလ(၃)ရက်နေ့မှာ ရာထူးကနေနုတ်ထွက်သွားခဲ့ကြတယ်လို့လည်း သိရပါတယ်။

ယူကရိန်းအစိုးရအဖွဲ့အတွင်းမှာ အပြောင်းအလဲတွေကို ထုတ်ပြန်ကြေညာပြီးနောက် ဒီမစ်ထရီကူလီဘာရဲ့ နုတ်ထွက်စာအကြောင်း သတင်းတွေထွက်ပေါ်လာခဲ့တာဖြစ်ပါတယ်။ ဒါပေမဲ့လည်း ယူကရိန်းဝန်ကြီးချုပ် Denis Shmigal ကတော့ ၎င်းရဲ့ရာထူးကို ဆက်လက်တာဝန်ထမ်းဆောင်သွားမှာဖြစ်တယ်လို့ သတင်းရင်းမြစ်တစ်ခုက ပြောကြားခဲ့ပါတယ်။ ဇီလန်စကီးရဲ့ သမ္မတလုပ်ပိုင်ခွင့်နဲ့ ယူကရိန်းလွှတ်တော်ရဲ့တရားဝင်သက်တမ်းကုန်ဆုံးပြီးနောက် အစိုးရအဖွဲ့ကို ရှင်းလင်းမှုတွေ ထွက်ပေါ်လာတာလည်းဖြစ်ပါတယ်။ ယူကရိန်းရဲ့ ဖွဲ့စည်းပုံအခြေခံဥပဒေဟာ လွှတ်တော်သက်တမ်းတိုးဖို့အတွက်သာ ပြဋ္ဌာန်းထားပေမယ့်လည်း ဇီလန်စကီးက ၂၀၂၂ ခုနှစ် ဖေဖော်ဝါရီလမှာထုတ်ပြန်ခဲ့တဲ့ စစ်အုပ်ချုပ်ရေးဥပဒေကြောင့် ရွေးကောက်ပွဲတွေအားလုံးကို ရက်အကန့်အသတ်မရှိ ရွှေ့ပြောင်းနိုင်ခွင့်ရခဲ့တယ်လို့လည်း သိရပါတယ်။ရုရှား-ယူကရိန်းစစ်ပွဲဖြစ်ပွားတာဟာ အချိန်(၂)နှစ်ကျော် ကြာမြင့်နေပြီဖြစ်ပေမယ့်လည်း ယခုအချိန်အထိ နှစ်ဖက်စလုံးက ငြိမ်းချမ်းရေးဆွေးနွေးပွဲတွေ လုပ်ဆောင်နိုင်တာမျိုး မရှိသေးဘူးလို့လည်း သိရပါတယ်။