အာဆီယံအဖွဲ့မှာ ပုံမှန်အဆင့်တန်းမျိုးပြန်လည်ရရှိဖို့ မြန်မာအစိုးရမျှော်လင့်နေဟုဆို
ဂျန်ဇက် (NSS) - ဇူလိုင် ၂၅
မြန်မာနိုင်ငံဟာ အခြားအာဆီယံနိုင်ငံတွေနည်းတူ အာဆီယံအဖွဲ့အတွင်း ပုံမှန်အဆင့်တန်းတွေ ပြန်လည်ရရှိစေဖို့ မျှော်လင့်ထားတယ်လို့ မြန်မာနိုင်ငံခြားရေးဝန်ကြီးဌာနက တာဝန်ရှိသူတစ်ဦးက ထုတ်ဖော်ပြောဆိုလိုက်ပါတယ်။
မြန်မာနိုင်ငံခြားရေးဝန်ကြီးဌာနရဲ့ညွှန်ကြားရေးမှူးချုပ် ဒေါက်တာခင်သီတာအေးဟာ လာအိုနိုင်ငံမှာကျင်းပတဲ့ အာဆီယံနိုင်ငံခြားရေးဝန်ကြီးများအစည်းအဝေးတက်ရောက်ခဲ့ပြီးနောက် အနားယူချိန်မှာသတင်းထောက်တွေကို အခုလိုမျိုးပြောဆိုခဲ့တာဖြစ်ကြောင်း သိရပါတယ်။
မြန်မာနိုင်ငံခြားရေးဝန်ကြီးဌာနမှ ညွှန်ကြားရေးမှူးချုပ် ဒေါက်တာခင်သီတာအေးက "မြန်မာနိုင်ငံဟာ အာဆီယံအဖွဲ့မှာ ပုံမှန်အဆင့်တန်းအခြေနေမျိုး ပြန်လည်ရရှိဖို့အလွန်မျှော်လင့်ထားပါတယ်။ ကျွန်မတို့ဘက်က ပူးပေါင်းဆောင်ရွက်မှုအတိုင်းအတာကို သုံးသပ်ရမယ်ဆိုရင် မကြာမီမှာ အာဆီယံအဖွဲ့အတွင်း ပုံမှန်အဆင့်တန်းအနေအထားမျိုးပြန်လည်ရရှိသင့်တယ်"လို့ပြောပါတယ်။
မြန်မာနိုင်ငံဟာ လာအိုနိုင်ငံက အာဆီယံအလှည့်ကျဥက္ကဋ္ဌအဖြစ် တာဝန်ယူပြီးနောက် ၂၀၂၄ ခုနှစ်အတွင်းကျင်းပတဲ့ အာဆီယံနိုင်ငံခြားရေးဝန်ကြီးများအစည်းအဝေးတက်ရောက်ဖို့ ကိုယ်စားလှယ်တွေ ပြန်လည်စေလွှတ်ခဲ့ကြောင်းသိရပါတယ်။ မြန်မာနိုင်ငံဟာ လာအိုနိုင်ငံက အာဆီယံအလှည့်ကျဥက္ကဋ္ဌအဖြစ် တာဝန်ယူပြီးနောက် အာဆီယံနိုင်ငံခြားရေးဝန်ကြီးများအစည်း အဝေးအပြင် အာဆီယံကာကွယ်ရေးဝန်ကြီးများအစည်းအဝေးကို တက်ရောက်ဖို့ မြန်မာကိုယ်စားပြုကိုယ်စားလှယ်အဖွဲ့စေလွှတ်ခဲ့ပါတယ်။
မြန်မာနိုင်ငံနဲ့အာဆီယံအဖွဲ့ကြားရရှိခဲ့တဲ့ အာဆီယံသဘောတူညီချက်ငါးချက်ကို တိုးတက်အောင်အကောင်ထည်မဖော်နိုင်ဘူးဆိုရင် အာဆီယံအဖွဲ့ဟာ အဖွဲ့အစည်းအဝေးကို မြန်မာနိုင်ငံကိုယ်စားပြုအဖြစ် နိုင်ငံရေးနဲ့မပတ် သက်တဲ့သူသာ တက်ရောက်ခွင့်ပေးဖို့လက်ခံထားကြောင်းသိရပါတယ်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာနိုင်ငံတွင် ရင်းနှီးမြှုပ်နှံမှုများ ပိုမိုပြုလုပ်ရန် နိုင်ငံခြားရေးဝန်ကြီးကတရုတ်ခရီးစဥ်တွင်ဖိတ်ခေါ်
RELATED POSTS
03 Sep 2024 | နိုင်ငံရေး,နိုင်ငံတကာ
03 Sep 2024 | နိုင်ငံရေး,ပြည်တွင်း