အိန္ဒိယနိုင်ငံ၊ ခဲရာလာမှာ Nipah ဗိုင်းရပ်စ်ကူးစက်ခံရမှုကြောင့် ဆယ်ကျော် သက်အရွယ် အမျိုးသားတစ်ဦး သေဆုံး
ရောင်နီ(NSS) - ဇူလိုင် ၂၂
အိန္ဒိယနိုင်ငံ၊ ခဲရာလာမှာ Nipah ဗိုင်းရပ်စ် ကူးစက်ခံရခြင်းကြောင့် အသက် ၁၄ နှစ်အရွယ် အမျိုးသားတစ်ဦးဟာ တနင်္ဂနွေနေ့ (ဇူလိုင်လ ၂၁ ရက်) က နှလုံးရပ်သေဆုံးသွားခဲ့တယ်လို့ ပြည်နယ်ကျန်းမာရေးဝန်ကြီး ဗီနာဂျော့ဂျ်က ပြောကြားခဲ့ပါတယ်။
လူနာဟာ တနင်္ဂနွေနေ့(ဇူလိုင်လ ၂၁ ရက်) နံနက်က ဆီးထွက်နှုန်း ကျဆင်းသွားပြီး နှလုံးလည်းရပ်သွားခဲ့ကာ အခြားအသက်ကယ် နည်းလမ်းတွေနဲ့ ကြိုးစားကုသခဲ့ပေမယ့်လည်း မအောင်မြင်ခဲ့ဘဲ တနင်္ဂနွေ၊ မနက် ၁၁နာရီခွဲမှာ ကွယ်လွန်သွားခဲ့တာဖြစ်တယ်လို့ သိရပါတယ်။ Nipah ဗိုင်းရပ်စ်ဟာ သစ်သီး၊ လင်းနို့နဲ့ အခြားတိရိစ္ဆာန်တွေမှာ ပျံ့နှံ့ရှိနေနိုင်ပြီး လူသားကိုလည်း ကူးစက်နိုင်ပါတယ်။ ဒါ့ပြင် လူမှတစ်ဆင့် အခြားလူသားကိုလည်း ကူးစက်နိုင်စွမ်းရှိပြီး အသက်ဆုံးရှုံးတဲ့အထိ ပြင်းထန်ပါတယ်။
Nipah ရောဂါဖြစ်ပွားမှုဟာ အာရှတိုက်ရဲ့ အချို့နေရာတွေမှာ နှစ်စဉ်လိုလို ဖြစ်ပွားလေ့ရှိပြီး ဘင်္ဂလားဒေ့ရှ်နဲ့ အိန္ဒိယမှာတော့ အဖြစ်အများဆုံးပဲ ဖြစ်ပါတယ်။ ရောဂါပိုးရှိတဲ့ တိရိစ္ဆာန်တွေနဲ့ အနီးကပ် အလုပ်လုပ်သူတွေ၊ ရောဂါပိုးရှိတဲ့လူကို ပြုစုစောင့်ရှောက်ပေးနေသူတွေ၊ ရောဂါပိုးရှိတဲ့ လူ၊ တိရစ္ဆာန်တို့ရဲ့ ခန္ဓာကိုယ်ထဲက ထွက်တဲ့အရည်နဲ့ ထိတွေ့မိသူတွေမှာ ကူးစက်ခံရနိုင်တယ်လို့ သိရပါတယ်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အိမ်နီးချင်းယီမင် ဟူသီတို့ကို အစ္စရေးစစ်လေယာဉ်များက တိုက်ခိုက်မှုတွင် မိမိတို့ပါဝင်ပတ်သက်ခြင်း မရှိကြောင်း ဆော်ဒီနိုင်ငံငြင်းဆို
RELATED POSTS
06 Sep 2024 | ကျန်းမာရေး,နိုင်ငံတကာ
31 Aug 2024 | ကျန်းမာရေး,နိုင်ငံတကာ
27 Aug 2024 | ကျန်းမာရေး,ပြည်တွင်း
26 Aug 2024 | ကျန်းမာရေး,နိုင်ငံတကာ