ဂျန်ဇက် (NSS) - ဩဂုတ် ၂၆

အာဖရိကတိုက်တွင်စတင်ဖြစ်ပွားခဲ့သော မျောက်ကျောက် ဗိုင်းရပ်စ် (စြသထ) ကူးစက်ရောဂါ ကြောင့် ကမ္ဘာတဝန်းတွင် (၂၀၂၄)ခုနှစ် နှစ်စပိုင်းမှ ဩဂုတ် (၂၃)ရက်နေ့အထိ အနည်းဆုံး လူပေါင်း (၅၅၀)ကျော်သေဆုံးခဲ့ပြီး အာဆီယံဒေသတွင်းနိုင်ငံများအနက် ထိုင်း၊ ဖိလစ်ပိုင်၊ စင်ကာပူ၊ အင်ဒိုနီးရှား နှင့် ဗီယက်နမ်နိုင်ငံတို့တွင်လည်း မျောက်ကျောက်ရောဂါ ကူးစက်ခံရသူများရှိနေကြောင်း သတင်းများ ထွက်ပေါ်ခဲ့သည်။ 

အဆိုပါ မျောက်ကျောက်ဗိုင်းရပ်စ် (Mpox) ကူးစက်ရောဂါသည် အာဖရိတိုက်အပြင် ဘက် နိုင်ငံများသို့ကူးစက်လာနေပြီး ဥရောပတိုက်ရှိ နိုင်ငံအချို့နှင့် အာရှတိုက်ရှိနိုင်ငံအချို့တွင် ကူးစက်မှုများရှိလာနေကြောင်းသိရသည်။ မျောက်ကျောက်ရောဂါသည် လိင်ဆက်ဆံမှု၊ အသားအရေချင်းထိတွေ့မှု၊ ရောဂါရှိသူတစ် ဦးနှင့် နီးနီးကပ်ကပ်စကားပြောခြင်း သို့မဟုတ် အ သက်ရှူလမ်းကြောင်း အနီးကပ်ထိတွေ့မှုများမှ ကူးစက်ခံရ နိုင်ခြေများပြီး ကူးစက်ခံရပြီးချိန်တွင်လည်း တုပ်ကွေးကဲ့သို့ ရောဂါလက္ခဏာများ၊ အရေပြားကွဲ အက်ခြင်းနှင့် သေဆုံးခြင်းများ ဖြစ်လာနိုင်ဖွယ်ရှိနေပြီး ကူးစက်ခံရမှု (၁၀ဝ)တွင် (၄)ခုက အသက်သေဆုံးမှု အထိ ဖြစ်လာနိုင်ကြောင်းသိရသည်။ 

မျောက်ကျောက်ရောဂါ ဗိုင်းရပ်စ်တွင် မျိုး ကွဲနှစ်ခုရှိနေပြီး ပထမမျိုးကွဲဗိုင်းရပ်စ်သည်  (Clade 1) ဟုခေါ်ဆိုပြီး ဒုတိယမျိုးကွဲဗိုင်းရပ်စ်က (Clade 2) ဟုခေါ်ဆိုကြကြောင်းသိရသည်။ ပထမမျိုးကွဲဗိုင်းရပ်စ်ဖြစ်သော (Clade 1) သည် ရောဂါစတင်ရာ ကွန်ဂိုနိုင်ငံအပါအဝင် အာဖရိကတိုက်အလယ်ပိုင်းရှိ နိုင်ငံများတွင် ဖြစ်ပွားမှုအများဆုံးဖြစ်ပြီး ကွန်ဂိုနိုင်ငံတွင် ယခုနှစ်အစောပိုင်းတည်းကလက်ရှိအချိန်အထိ မျောက်ကျောက်ရောဂါကူးစက်ခံရမှုများ ကြောင့် အနည်းဆုံးလူပေါင်း (၅၄၇)ဦးသေဆုံးထားသည်။ ပထမမျိုးကွဲဗိုင်းရပ်စ်ဖြစ်သော (Clade 1) သည် ဒုတိယမျိုးကွဲဖြစ်သော (Clade 2) ထက် ရောဂါလက္ခဏာပိုမိုပြင်းထန်ပြီး (Clade 1) ကူးစက်ခံရသူ (၁၀ဝ) တွင် (၁၀)ဦးခန့်သေဆုံးနိုင်ကာ  (Clade 2) မျိုးကွဲက ရောဂါပြင်းထန်မှုမရှိကြောင်းသိရ သည်။ ယခုနှစ်အစပိုင်းကတည်းက အာဖရိကတွင် Mpox ရောဂါဖြစ်ပွားသည့် အတည်ပြုလူနာနှင့် သံသယလူနာပေါင်း (၁၈၇၃၇) ဦးကို တွေ့ရှိခဲ့ပြီး အသစ်တွေ့ရှိခဲ့သည့် မျောက်ကျောက်ဗိုင်းရပ်စ်မျိုးကွဲ Clade 1b သည် ပိုမိုပြင်းထန်ပြီး ပိုမိုကူးစက်လွယ်ကြောင်း ကမ္ဘာ့ကျန်းမာရေးအဖွဲ့(WHO)က သတင်းထုတ်ပြန်ထားသည်။ (Clade 2) မျိုးကွဲသည် ကူး စက်ခံရသူ (၁၀ဝဝ)တွင် တစ်ဦးသာ သေဆုံးလေ့ရှိနေပြီး မြန်မာနိုင်ငံ၏ အိမ်နီးချင်းနိုင်ငံဖြစ်သော အိမ်နီးချင်း ထိုင်းနိုင်ငံတွင်ပြီးခဲ့သောရက်ပိုင်းတွင် (Clade 1b) အဆင့် ကူးစက်ခံရသူတစ်ဦးရှိကြောင်း ဩဂုတ် ၂၃ ရက်နေ့တွင် သတင်းထုတ်ပြန်ထားသည်။ 

ကမ္ဘာ့ကျန်းမာရေးအဖွဲ့ကလည်း မျောက်ကျောက်ရောဂါကူးစက်ခံရမှုနှင့်ပတ်သက်ပြီး ဩဂုတ် (၁၄)ရက်နေ့တွင် အရေးပေါ်အခြေအနေကြေညာထား ကြောင်းသိရသည်။ ထိုင်းအစိုးရသည် (Clade 1b) အဆင့် ကူးစက်ခံရသော အသက် (၆၆)နှစ်အရွယ်ရှိ အမျိုးသားကြီးနှင့် လေဆိပ်တွင် အတူထိုင်ခဲ့သူနှင့် တွေ့ဆုံစကားပြောဆိုခဲ့သူပေါင်း (၄၃)ဦးကိုလက်ရှိ အချိန်တွင် သဲလွန်စလိုက်လံရှာဖွေနေပြီး (၂၁)ရက်ကြာစောင့်ကြည့်သွားမည်ဖြစ် ကြောင်း ထိုင်းနိုင်ငံ၏ တားဆီးရောဂါကူးစက်မှုထိန်းချုပ်ရေးဌာနကသတင်း ထုတ်ပြန်ထားသည်။

ထိုင်းနိုင်ငံတွင်ပြီးခဲ့သောရက်ပိုင်းက တွေ့ ရှိခဲ့ရသော အမျိုးသားကြီးသည် မျောက်ကျောက် ဗိုင်း ရပ်စ်မျိုးကွဲအသစ်ကူးစက်ခံရခြင်းဖြစ်ပြီး သေဆုံးရန် အလားအလာများနေကြောင်း သတင်းများထွက်ပေါ် နေသည်။ ထိုင်းနိုင်ငံတွင်တွေ့ရှိခဲ့သော မျောက်ကျောက်ရောဂါမျိုးကွဲအသစ်ဖြစ်သော (Clade 1b) သည် ယခင်တွေ့ရှိခဲ့ဖူးသော မျောက်ကျောက်ရောဂါ များထက် အသက်အန္တရာယ်ပိုမိုထိခိုက်နိုင်သောအ ခြေအနေမျိုးရှိနေကြောင်းသိရသည်။ ထိုင်းနိုင်ငံတွင် တွေ့ရှိခဲ့သည့် (Clade 1b)သည် အာဖရိကတိုက်ပြင်ပ တွင် တွေ့ရှိရသည့် ဒုတိယမြောက် (Clade 1b)ကူးစက်ခံရမှုဖြစ်ပြီး အာရှတိုက်နိုင်ငံများတွင် ပထမဆုံး တွေ့ရှိမှုဖြစ်ခဲ့ကြောင်းသိရသည်။

ထိုင်းနိုင်ငံတွင် (Clade 1b) ကူးစက်ခံရကြောင်း တွေ့ရှိခဲ့သောအမျိုး သားကြီးသည် အာဖရိကတိုက်မှ ထိုင်းနိုင်ငံသို့ လေကြောင်းခရီးစဉ်ဖြင့် တိုက်ရိုက်လာခဲ့သူဖြစ်ကြောင်း သိရသည်။ ဖိလစ်ပိုင်နိုင်ငံတွင်လည်း မျောက်ကျောက် ဗိုင်းရပ်စ်ကူးစက်ခံရသူများတွေ့ရှိခဲ့ပြီးနောက် လိင်ဆက်ဆံမှုများကို ဂရုစိုက်ရန် သတိပေးထားကြောင်းသိရသည်။ မလေးရှားနိုင်ငံသည် ၎င်း၏ အိမ်နီးချင်းနိုင်ငံများတွင် မျောက်ကျောက်ဗိုင်းရပ်စ် ကူးစက်ခံရမှုများဖြစ်ပွားလာခဲ့ပြီး နောက်ပိုင်း ကူးစက်ပျံ့နှံ့မှုအခြေနေကို အနီးကပ်စောင့်ကြည့်နေကြောင်း သိရသည်။ 

ကွန်ဂိုနိုင်ငံအပါအဝင် အာဖရိကတိုက်တွင် အနည်းဆုံး နိုင်ငံပေါင်း (၁၃)နိုင်ငံတွင် ကူးစက်ခံရမှု များရှိနေသလို ဥရောပတိုက်တွင် ဆွီဒင်နိုင်ငံအပါ အဝင်နိုင်ငံအချို့တွင် ကူးစက်ခံထားရကြောင်း သိရ သည်။ အာဆီယံ ဒေသအတွင်းနိုင်ငံများအနက် အင်ဒိုနီးရှား၊ ဗီယက်နမ်၊ စင်ကာပူ၊ ထိုင်း၊ ဖိလစ်ပိုင် နိုင်ငံတို့တွင်လည်း ယခုနှစ်အတွင်း မျောက်ကျောက် ဗိုင်း ရပ်စ်စက်ခံရသူအရေအတွက် မြင့်တက်လာခဲ့ပြီး အင် ဒိုနိးရှားနိုင်ငံတွင် မျောက်ကျောက် ဗိုင်းရပ်စ်ပိုး ကူးစက်ခံရသူ (၈၈)ဦး၊ ဗီယက်နမ်တွင် (၄၉)ဦး၊ စင်ကာပူတွင် (၁၀)ဦး၊ ထိုင်းနိုင်ငံတွင် (၈)ဦးနှင့် ဖိလစ်ပိုင်တွင် တစ်ဦးကူးစက်ခံထားရကာ အဆိုပါ ကူးစက်မှုများတွင် လူ့အသက်အန္တရာယ်ကို ထိခိုက် စေနိုင်သော မျောက်ကျောက်ရောဂါမျိုးကွဲ (Clade 1b) ကူးစက်ခြင်းမျိုးမဟုတ်ကြောင်း သိရသည်။