ရောင်နီ (NSS) - ဇူလိုင် ၇

          တောင်ကိုရီးယား အမျိုးသား K POP အဖွဲ့ BTS ရဲ့ အဖွဲ့ဝင် ဂျီမင်နဲ့  တောင်ကိုရီးယား အမျိုးသမီးအဖွဲ့ BLACKPINK ရဲ့ အဖွဲ့ဝင် လီဆာ တို့ရဲ့ နောက်ဆုံးထွက်ရှိတဲ့ တစ်ကိုယ်တော် သီချင်းသစ်များက ဗြိတိန်နိုင်ငံရဲ့ Official Singles Chart မှာ နေရာယူလာခဲ့တယ်လို့ သိရပါတယ်။

      ဇူလိုင်လ ၅ ရက်နေ့က ထွက်ရှိတဲ့ Official Charts မှာ ဂျီမင်ရဲ့ သီချင်းသစ်  "Smeraldo Garden Marching Band" နဲ့ လီဆာရဲ့  တစ်ကိုယ်တော် သီချင်းသစ် "ROCKSTAR" နှစ်ခုစလုံးပါဝင်ခဲ့ပါတယ်။  ဇယားမှာ ဂျီမင်ရဲ့ "Smeraldo Garden Marching Band" ဟာ နံပါတ် ၄၆  နေရာမှာရောက်ရှိခဲ့ပြီး ၎င်းဟာ ဂျီမင်ရဲ့“VIBE”၊ “Set Me Free Pt.2”၊ “Like Crazy” နဲ့ "Angel Pt. 1” ပြီးရင် ပဉ္စမမြောက် Official Single Chart  မှာ ပါဝင်လာတဲ့ တေးသီချင်း ဖြစ်ပါတယ်။ လီဆာရဲ့ သီချင်းသစ် “ROCKSTAR” ဟာလည်း ဇယားမှာ နံပါတ် ၄၉ နေရာ ရောက်ရှိခဲ့ပြီး သူမရဲ့တစ်ကိုယ်တော် တေးသီချင်းတွေထဲမှာ အမြင့်ဆုံး စံချိန်တင်ခဲ့ပါတယ်။

       Official Singles Downloads Chart မှာတော့  ဂျီမင်ရဲ့ "Smeraldo Garden Marching Band” က နံပါတ် ၁ နေရာ ရရှိခဲ့ပြီး လီဆာရဲ့ "ROCKSTAR” ကတော့ နံပါတ် ၄ နေရာမှာ ရပ်တည်နေတယ်လို့ သိရပါတယ်။