ဂျန်ဇက် (NSS) - ဇန်နဝါရီ ၂၅ 

အမေရိကန်အစိုးရဟာ တူရကီနိုင်ငံကို အက်ဖ် ၁၆ တိုက်လေယာဉ်တွေ ရောင်းချပေးဖို့ လွှတ်တော်ထံတင်ပြတောင်းဆိုထားကြောင်း သိရပါတယ်။

အမေရိကန်သမ္မတဂျိုးဘိုင်ဒန်ဟာ အမေရိကန်စစ်လက်နက်ပစ္စည်းထုတ်လုပ်ရေးကုမ္ပဏီတစ်ခုဖြစ်တဲ့  Lockheed Martin က ထုတ်လုပ်တဲ့ အက်ဖ် ၁၆ တိုက်လေယာဉ်တွေနဲ့ဆက်စပ်ပစ္စည်းတွေကို တူရကီနိုင်ငံကိုရောင်းချပေးဖို့ လွှတ်တော်ထံ စာရေးတောင်းဆိုခဲ့ကြောင်း သိရပါတယ်။

အမေရိကန်အစိုးရဟာ တူရကီနိုင်ငံကို အမေရိကန်ဒေါ်လာ ၂ဝ ဘီလျံတန်ဖိုးရှိ စစ်လက်နက်ပစ္စည်းတွေရောင်းချပေးဖို့ သဘောတူညီထားခြင်းဖြစ်ကြောင်း သိရပါတယ်။

တူရကီဟာ ဆွီဒင်နိုင်ငံရဲ့နေတိုးမဟာမိတ်အဖွဲ့ဝင်ဖြစ်ရေးကြိုးပမ်းမှုတွေကို ကန့်ကွက်မှုတွေရှိလာခဲ့ပြီးနောက် အမေရိကန် နဲ့ တူရကီနိုင်ငံကြားဆက်ဆံရေး တင်းမာလာခဲ့ရာ အက်ဖ် ၁၆ တိုက်လေယာဉ်တွေရောင်းချလွှဲပြောင်းပေးဖို့ လပေါင်း ၂ဝ ကျော်ကြာ နှောင်နေးခဲ့ရကြောင်း သိရပါတယ်။

အမေရိကန်အစိုးရက တူရကီနိုင်ငံကို အက်ဖ် ၁၆ တိုက်လေယာဉ်တွေရောင်းချပေးရေးနဲ့ပတ်သက်ပြီး ဆွီဒင်နိုင်ငံရဲ့နေတိုးအဖွဲ့ဝင်ဖြစ်ရေး ကြိုးပမ်းမှုတွေကိုခွင့်ပြုပေးဖို့ တောင်းဆိုခဲ့ကြောင်း သိရပါတယ်။အမေရိကန်အစိုးရဟာ လိုအပ်တဲ့အစီအစဉ်တွေနဲ့လုပ်ဆောင်ရမယ့်အဆင့်တွေ အပြီးသတ်ဆောင်ရွက်ပြီးချိန်မှာ တူရကီနိုင်ငံကိုအက်ဖ် ၁၆ တိုက်လေယာဉ်တွေ လွှဲပြောင်းပေးဖွယ်ရှိနေကြောင်း သတင်းတွေ ထွက်ပေါ်နေပါတယ်။

ဒါပေမယ့် အမေရိကန်အစိုးရတာဝန်ရှိသူတွေကတော့ တူရကီနိုင်ငံကိုအက်ဖ် ၁၆ တိုက်လေယာဉ်လွှဲပြောင်းပေးရေးနဲ့ပတ်သက်ပြီး ဘယ်အချိန်မှာ လွှဲပြောင်းပေးမယ်ဆိုတဲ့အချက်နဲ့ပတ်သက်ပြီးမှတ်ချက်ပြုပြောဆိုခြင်းမျိုး မရှိသေးကြောင်း သိရပါတယ်။ 

တူရကီနိုင်ငံငဟာ ၂ဝ၂၁ ခုနှစ် အောက်တိုဘာလက အမေရိကန်နိုင်ငံကို အက်ဖ် ၁၆ တိုက်လေယာဉ် တွေနဲ့ လက်ရှိ ရှိနေတဲ့စစ်လေယာဉ်တွေမှာ အသုံးပြုဖို့ ဆက်စပ်ပစ္စည်းတွေ ရောင်းချပေးဖို့ တောင်းဆိုခဲ့ကြောင်း သိရပါတယ်။