စော (NSS) - ဇန်နဝါရီ ၁၉ 

ချင်းပြည်နယ်စည်ပင်သာယာရေးအဖွဲ့၌ တာဝန်ထမ်းဆောင်ရန်အတွက် ဝန်ထမ်းများခေါ်ယူနေကြောင်း သိရသည်။

သယံဇာတရေးရာဝန်ကြီးဌာန၊ ချင်းပြည်နယ်စည်ပင် သာယာရေးအဖွဲ့က ယနေ့(ဇန်နဝါရီလ ၁၉ ရက်)တွင် အထက်ပါကဲ့သို့ ထုတ်ပြန်ထားခြင်းဖြစ်သည်။

အဆိုပါအဖွဲ့က အငယ်တန်းအင်ဂျင်နီယာ -၂ (မြို့ပြ) ရာထူးနေရာအတွက် (၅)ဦးခေါ်ယူသွားမည်ဖြစ်ပြီး BE(Civil)ဘွဲ့ရရှိသူဖြစ်ရန် လိုအပ်ကြောင်း ထုတ်ပြန်ချက်အရ သိရသည်။

ထို့ပြင် လျှောက်ထားသူသည် ဇန်နဝါရီလ ၁၅ ရက်တွင် အသက်(၃၅)နှစ်ထက် မကျော်လွန်ရန်လိုအပ်ပြီး ဝန်ထမ်းဖြစ်ပါက အသက် (၃၇)နှစ်ထက် မကျော်လွန်သူဖြစ်ရန် လိုအပ်ကြောင်း သိရသည်။

လျှောက်လွှာများကို ဖေဖော်ဝါရီလ ၁၇ ရက်တွင် သက်ဆိုင်ရာမြို့နယ်စည်ပင်သာယာရေးအဖွဲ့များဖြစ်သော တီးတိန်မြို့၊ တွန်းဇံမြို့၊ မင်းတပ်မြို့၊ မတူပီမြို့၊ ဖလမ်းမြို့ နှင့် ဟားခါးမြို့များသို့ နောက်ဆုံးထား၍ ပေးပို့လျှောက်ထားရမည်ဖြစ်ကြောင်း သိရသည်။

လျှောက်ထားသူများအတွက် ရေးဖြေစာမေးပွဲ ဖြေဆိုရမည့် ရက်ကို ထပ်မံအသိပေးသွားမည်ဖြစ်ကြောင်း သိရသည်။