ရောင်နီ (NSS) - ဇန်နဝါရီ ၅

ဗြိတိန်နိုင်ငံရဲ့ သက်တမ်းအကြာဆုံး တရားဝင် ဒင်္ဂါးပြား ထုတ်လုပ်တဲ့ ကုမ္ပဏီဖြစ်တဲ့ The Royal Mint က စွန့်ပစ်ပစ္စည်းများမှ လက်ဝတ်ရတနာတွေ ဖန်တီးဖို့ စီစဉ်နေပါတယ်။  

ငွေရင်းမြစ်အတွက် ၎င်းဟာ အင်္ဂလန်နိုင်ငံ၊ ဘာမင်ဂမ် အခြေစိုက် ကုမ္ပဏီတစ်ခုဖြစ်တဲ့ Betts Metals နဲ့ ပူးပေါင်းပြီး နှစ်ပေါင်း ၂၅၀ ကျော်ကြာ စွန့်ပစ်ပစ္စည်းများမှ အဖိုးတန်သတ္တုများကို ပြန်လည်ရယူနိုင်မယ့် နည်းလမ်းကို ရှာဖွေတွေ့ရှိခဲ့ခြင်း ဖြစ်ပါတယ်။ Betts ဟာ ဆေးရုံများမှ မလိုအပ်တော့တဲ့ အသုံးပြုပြီးသား X-ray ဖလင်တွေကို စုဆောင်းကာဖလင်မှ ငွေကို ခွဲထုတ်ပြီး ဓာတုဗေဒ ပြုပြင်မွမ်းမံကာ သေးငယ်တဲ့ အတုံးလေးတွေဖြစ်အောင် ခုတ်ထစ်ခြင်းမှတစ်ဆင့် အဲဒီကနေ အခြားငွေစင်တွေလို 99.9% သန့်စင်အောင် ထုတ်လုပ်မယ်လို့ ဆိုပါတယ်။ ဆေးရုံတွေကိုလည်း အဆိုပါ စွန့်ပစ်ပစ္စည်းများအတွက် ငွေကြေးတန်ဖိုးကို ပေးဆောင်မှာဖြစ်တယ်လို့ သိရပါတယ်။

        နှစ်စဉ် ကမ္ဘာတစ်ဝှမ်းမှာ e-waste မက်ထရစ်တန်ချိန် သန်း ၅၀ ကျော် စွန့်ပစ်လျက်ရှိပါတယ်။ အချို့ အမှိုက်တွေဟာ မြေဆီလွှာကိုညစ်ညမ်းစေပြီး မြေအောက်ရေကို ပျက်စီးစေပါတယ်။ ဒါ့ပြင် အဖိုးတန်သတ္တုအသစ်တွေကို တူးဖော်ခြင်းဟာ ရေအရင်းအမြစ်တွေအပြင် သဘာဝရှုခင်းတွေကိုပါ ညစ်ညမ်းစေပါတယ်။ The Royal Mint ဟာ တစ်နှစ်ကို ဗြိတိန်ရဲ့ e-waste မက်ထရစ်တန်ချိန် ၄၀၀၀ ကို စီမံဆောင်ရွက်နိုင်မယ့် စက်ရုံသစ် ဖွင့်လှစ်ဖို့ စီစဉ်နေတယ်လို့ သိရပါတယ်။