မုဒုံမြို့တွင် မီးလောင်မှုဖြစ်ပွားခဲ့ရာ လူနေအိမ်(၄)လုံး မီးလောင်ဆုံးရှုံး
သန့်ဇင်(NSS) - ဒီဇင်ဘာ ၂၃
မွန်ပြည်နယ်၊ မုဒုံမြို့တွင် မီးလောင်မှုဖြစ်ပွားခဲ့ရာ လူနေအိမ် (၄)လုံး မီးလောင်ဆုံးရှုံးသွာခဲ့ကြောင်း မုဒုံအရေးပေါ်ကယ်ဆယ်ရေးအဖွဲ့ထံမှ သိရသည်။
မီးလောင်မှုသည် ယနေ့(ဒီဇင်ဘာလ ၂၃ ရက်)၊ မွန်းလွဲ ၃ နာရီဝန်းကျင်အချိန်တွင် မုဒုံမြို့၊ သင်္ဘောဦးရပ်ကွက်၊ ဘုရင့်နောင်လမ်းသွယ်(၁)နှင့် (၂)ကြား၌ ဖြစ်ပွားခဲ့ခြင်းဖြစ်ကြောင်း သိရသည်။
“ဘယ်ကစလောင်တာလဲတော့ မသိရသေးဘူးဗျ။ လောင်တဲ့မီးကတော့ တော်တော်များတယ်။ လူနေအိမ်(၄)လုံးလောက်လောင်သွားတာ”ဟု မုဒုံအရေးပေါ်ကယ်ဆယ်ရေးအဖွဲ့မှတာဝန်ရှိသူတစ်ဦးက NP News ကိုပြောသည်။
အဆိုပါမီးလောင်မှုတွင် လူထိခိုက်မှုမရှိခဲ့သော်လည်း ရပ်ကွက်တွင်းရှိ ဘေးချင်းကပ်အိမ်(၄)လုံးမီးလောင်ဆုံးရှုံးသွားခဲ့ကြောင်း သိရသည်။
“လူထိခိုက်မှုတော့မရှိပါဘူး။ အိမ်တွေပဲမီးလောင်သွားတာ။ မီးဘေးသင့်တွေအတွက်က သက်ဆိုင်ရာတာဝန်ရှိသူတွေက ပဲစီစဉ်ပေး နေပါတယ်။ မီးလောင်မှုဖြစ်စဉ်ကိုလည်း မီးသတ်က စုံစမ်းနေတုန်းပါ”ဟု ၎င်းကဆက်လက်ပြောသည်။
လက်ရှိတွင် ၎င်းမီးလောင်မှုဖြစ်စဉ် နှင့် ပျက်စီးဆုံးရှုံးမှုတန်ဖိုးအား မီးသတ်တပ်ဖွဲ့ နှင့် သက်ဆိုင်ရာတာဝန်ရှိသူများက စုံစမ်းစစ်ဆေးလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ISIS အကြမ်းဖက်အဖွဲ့နှင့် ဆက်နွယ်နေသည်ဟု သံသယရှိသူ လူ(၃၀၀)ကျော်ကို တူရကီရဲတပ်ဖွဲ့ဖမ်းဆီး
RELATED POSTS
22 Nov 2024 | မှုခင်း,ပြည်တွင်း
