Pearl (NSS) - ဒီဇင်ဘာ ၂၃

ဘီးလင်းမြို့နယ်တွင် ကိုးနဝင်းဘုရားပွဲပြုလုပ်နေစဉ် PDF အဖွဲ့ဝင်(၂)ဦးက လက်ပစ်ဗုံးဖြင့်ပစ်ပေါက်ဖောက်ခွဲမှုကြောင့် တစ်ဦးသေဆုံးသွားခဲ့ကြောင်း နစကမှ သတင်းထုတ်ပြန်ထားသည်။ 

ဖြစ်စဉ်မှာ ယမန်နေ့ (ဒီဇင်ဘာလ ၂၂ ရက်)၊ နံနက် (၁) နာရီခန့်တွင် မွန်ပြည်နယ်၊ ဘီးလင်းမြို့နယ်၊ ယွန်းဒလင်းကုန်းကျေးရွာ၌ ဖြစ်ပွားခဲ့ခြင်းဖြစ်သည်။ 

အဆိုပါ ကျေးရွာရှိ ဘောလုံးကွင်း၌ ကိုးနဝင်းဘုရားပွဲပြုလုပ်နေစဉ် PDF အဖွဲ့ဝင်(၂)ဦးက ကဒွတ်ရွာဘက်မှ ဆိုင်ကယ်တစ်စီးဖြင့်ရောက်ရှိလာပြီး ဘောလုံးကွင်းတောင်ဘက် မီတာ ၅၀ ခန့်အကွာမှ လက်ပစ်ဗုံးတစ်လုံးဖြင့် ပစ်ပေါက်ဖောက်ခွဲခဲ့ကြောင်း သိရသည်။ 

ထိုသို့ ပစ်ပေါက်ဖောက်ခွဲမှုကြောင့် ပေါက်ကွဲမှုဖြစ်ပွားခဲ့သဖြင့် တစ်ဦးသေဆုံးကာ (၄)ဦး ထိခိုက်ဒဏ်ရာရရှိ‌ခဲ့ ကြောင်း သိရသည်။ 

လက်ရှိတွင် ထိခိုက်ဒဏ်ရာရရှိသူများအား ဘီးလင်းပြည်သူ့ဆေးရုံသို့ ပို့ဆောင်ထားပြီး နယ်မြေတည်ငြိမ်အေး ချမ်းရေးအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းများ ဆက်လက်ဆောင်ရွက်နေ ကြောင်း နစကမှ သတင်းထုတ်ပြန်ထားသည်။