ရောင်နီ (NSS) - ဒီဇင်ဘာ ၂၃         

စင်္ကာပူမှာ Scoot flight ပေါ် ဗုံးအတုနဲ့ ခြိမ်းခြောက်ပြီး လေ ယာဉ်ကို U-turn ကွေ့ကာ ပြန်လည်ဆင်းသက်စေခဲ့တဲ့ သြစတြေးလျ အမျိုးသားကို ထောင်ဒဏ် ခြောက်လ ချမှတ်ခဲ့ကြောင်းသိရပါတယ်။ 

ဟော့ကင်းကဲဗင်ဖရန်စစ် အမည်ရှိ အသက် ၃၀ နှစ်အရွယ် သြစတြေးလျ အမျိုးသားဟာ United Nations (Anti-Terrorism Measures) စည်းမျဉ်းတွေကို ဆန့်ကျင်ပြီး အကြမ်းဖက် လုပ်ရပ်ကို အတုအယောင် ခြိမ်းခြောက်မှုပြုမှုနဲ့ ဒီဇင်ဘာလ ၂၂ ရက်က အပြစ်ရှိကြောင်း ၀န်ခံခဲ့ပါတယ်။ 

၂၀၂၃ ခုနှစ် အောက်တိုဘာလ ၁၂ ရက်က သြစတြေးလျနိုင်ငံ၊ Perth ကို ဦးတည်ပျံသန်းတဲ့ Scoot လေယာဉ် TR16 ပေါ်မှာ ၎င်းလိုက်ပါလာခဲ့ပြီး တောင်တရုတ်ပင်လယ်ပြင်ပေါ် ပျံသန်းနေချိန်မှာ ဗုံးအတုနဲ့ ခြိမ်းခြောက်ကာ လေယာဉ်ကို နောက်ကြောင်းပြန်လှည့်စေခဲ့တာ ဖြစ်ပါတယ်။

၎င်းဟာ ဇနီးဖြစ်သူနဲ့အတူ ဖူးခက်မှ စင်ကာပူနိုင်ငံကို ဖြတ်ပြီး သြစတြေးလျနိုင်ငံ ပက်တ်မြို့ကို ခရီးနှင်လာခြင်းဖြစ်ပါတယ်။ လူမှုရေးပြဿနာအချို့ကိုရှောင်ရှားဖို့ အခုလိုလုပ်ရပ်ကို လုပ်ခဲ့ခြင်းဖြစ်တယ်လို့ ဆိုပါတယ်။ 

အောက်တိုဘာလ ၁၂ ရက်၊ ညနေ ၆ နာရီ ၃၀ မိနစ်အချိန်ခန့်မှာ လေယာဉ်ဟာ စင်ကာပူနိုင်ငံ၊ ချန်ဂီလေဆိပ်မှာ ပြန်ဆင်းသက်ခဲ့ပါတယ်။ 

       စင်ကာပူမှာ အကြမ်းဖက်လုပ်ရပ်တွေကို မဟုတ်မမှန် ခြိမ်း ခြောက်မှုတွေပြုလုပ်ခြင်းဟာ ဒဏ်ငွေ ဒေါ်လာ ၅၀၀၀၀၀ အထိ ထောင်ဒဏ် ၁၀ နှစ် (သို့မဟုတ်) နှစ်ခုလုံးအထိ ချမှတ်ခံရနိုင်ပါတယ်။