စော (NSS) - ဒီဇင်ဘာ ၁၉

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း (YESC) က အငယ်တန်းအင်ဂျင်နီယာ (၇၅)ဦး ခေါ်ယူနေကြောင်း သိရသည်။

လျှပ်စစ်စွမ်းအားဝန်ကြီးဌာနက ယနေ့(ဒီဇင်ဘာလ ၁၉ ရက်) တွင် အထက်ပါကဲ့သို့ အသိပေးထုတ်ပြန်ထား ခြင်းဖြစ်သည်။

အဆိုပါ ဝန်ကြီးဌာနက ရန်ကုန်လျှပ်စစ်ဓာတ်အားကော်ပိုရေးရှင်းတွင် အငယ်တန်းအင်ဂျင်နီယာ(၂)ရာ ထူးနေရာအတွက် (၇၅)ဦး ခန့်အပ်သွားမည်ဖြစ် ကြောင်း သိရသည်။

လျှောက်ထားလိုသူများသည် ၂၀၂၄ ခုနှစ်၊ ဇန်နဝါရီလ ၁ ရက်တွင် အသက် (၃၅)နှစ်ထက်မကြီးရန် လိုအပ်ပြီး နိုင်ငံ့ဝန်ထမ်းဖြစ်ပါက အသက် (၄၀)နှစ်ထက်မကျော်လွန်သူဖြစ်ရန် လိုအပ်ကြောင်း သိရသည်။

ထို့ပြင် လျှောက်ထားသူများအနေဖြင့် စာမေးပွဲဝင်ကြေး  ငွေကျပ် (၅၀၀၀)ကို ရန်ကုန်မြို့၊ မြန်မာ့စီးပွားရေးဘဏ်၊ ဘဏ်ခွဲ (၃)ရှိ ရန်ကုန်လျှပ်စစ်ဓာတ်အားပေးရေးကော်ပိုရေးရှင်း၏ ငွေစာရင်းအမှတ် (CE-000958)သို့ ပေးသွင်းရမည်ဖြစ်ကြောင်း သိရသည်။

လျှောက်လွှာများကို လျှပ်စစ်စွမ်းအားဝန်ကြီးဌာန၊ ရန်ကုန်လျှပ်စစ်ဓာတ်အားကော်ပိုရေးရှင်း၊ စီမံခန့်ခွဲ‌ရေးဌာနတွင် ယနေ့(ဒီဇင်ဘာလ ၁၉ ရက်)မှစတင်၍ ထုတ်ယူနိုင်ပြီး ၂၀၂၄ ခုနှစ်၊ ဇန်နဝါရီလ (၅)ရက်နောက်ဆုံးထား ၍ ပေးပို့ရမည်ဖြစ်ကြောင်း သိရသည်။