သန့်ဇင် (NSS) - ဒီဇင်ဘာ ၁၇

ပဲခူးတိုင်း၊ အုတ်တွင်းမြို့နယ်တွင် စက်ဘီးစီးနေသည့်ဆယ်ကျော်သက်အရွယ်ကလေးတစ်ဦးကို တွဲကားမှ ဝင်တိုက်မှုဖြစ်ပွားခဲ့ကြောင်း Save The Tree Rescue Team ထံမှ သိရသည်။

ဖြစ်စဉ်မှာ ယနေ့(ဒီဇင်ဘာ ၁၇ ရက်)၊ မွန်းလွဲ ၂ နာရီအချိန်ခန့်တွင် အုတ်တွင်းမြို့နယ်၊ ခပေါင်း၊ နတ်စင်ကုန်း ကျေးရွာတွင် အထက်ပါကဲ့သို့ ဖြစ်ပွားခဲ့ခြင်းဖြစ်ကြောင်း သိရသည်။

“ကလေးက ပုံမှန်အတိုင်း လမ်းထိပ်မှာ စက်ဘီးစီးနေတာကို တွဲကားက အရှိန်မထိန်းနိုင်ဘဲ ဝင်တိုက်မိတာ။ တိုက်မိ တဲ့ကားက ကတ္တရာတွေ တင်လာတဲ့ကားပေါ့။ ကားကတိုက်ပြီး ရှေ့ဘီးနဲ့ ခြေထောက်တွေကို တက်ကြိတ်မိသွား တာပေါ့” ဟု Save The Tree Rescue Teamမှ တာဝန်ရှိသူတစ်ဦးက NP News ကို ပြောသည်။

အဆိုပါယာဉ်တိုက်မှုကြောင့် အသက်(၁၁)နှစ်အရွယ်ကလေးငယ်တွင် ယာ/ဝဲခြေထောက်ကြေမွဒဏ်ရာနှင့် မေးစေ့ တွင်လည်း ထိခိုက်ဒဏ်ရာများ ရရှိခဲ့ကြောင်း သိရသည်။

“ကလေးက အခုတော့ စိုးရိမ်စရာမရှိတော့ပါဘူး။ ခြေထောက်တွေကတော့(၂)ဖက်လုံး အကြိတ်ခံလိုက်ရတော့ ကြေသွားတာ။ ဖြတ်ရမှာတော့ သေချာတယ်။ အောက်မေးလဲ ကွဲထားတယ်။ ကားသမားကိုတော့ အုတ်တွင်း ရဲစခန်းက အရေးယူထားတယ်” ဟု ၎င်းက ဆက်လက်ပြောသည်။

လက်ရှိတွင် ထိခိုက်ဒဏ်ရာများရရှိခဲ့သည့် ကလေးငယ်အား နေပြည်တော်ပြည်သူ့ဆေးရုံကြီးသို့ ပို့ဆောင်လျက်ရှိ ပြီး တွဲကားယာဉ်မောင်းအမျိုးသားအား သက်ဆိုင်ရာမှ ဖမ်းဆီးအရေးယူထားကြောင်း သိရသည်။