Pearl (NSS) - ဒီဇင်ဘာ ၁၇

ရန်ကုန်တိုင်း၊ ကော့မှူးမြိုနယ်တွင် ဘေးတွဲဆိုင်ကယ်မောင်းနေသည့် ရဲတပ်ကြပ်တစ်ဦး သေနတ်ဖြင့် ပစ်ခတ် လုပ်ကြံခံခဲ့ရကြောင်း လုံခြုံရေးအဖွဲ့နှင့် နီးစပ်သူက NP News ကို ပြောသည်။ 

ဖြစ်စဉ်မှာ ယနေ့ (ဒီဇင်ဘာ ၁၇ ရက်) ၊ နေ့လည် (၁၂)နာရီခန့်တွင်   ကော့မှူးမြိုနယ်၊ တလု‌တ္ထော်ကျေးရွာအုပ်စု ၊ အင်းလျားချောင်ကျေးရွာအနီးရှိ လမ်းပေါ်၌ အထက်ပါကဲ့သို့ဖြစ်ပွားခဲ့ခြင်းဖြစ်ကြောင်း သိရသည်။

ကျိုက်ထော်နယ်မြေရဲစခန်းမှ ရဲတပ်ကြပ်တင်မိုးဇော်သည် ဘေးတွဲဆိုင်ကယ်မောင်းနေစဉ်  အခင်းဖြစ်နေရာ အရောက်၌ အကြမ်းဖက်သမားများက သေနတ်ဖြင့်ပစ်ခတ်သတ်ဖြတ်သွားခဲ့ကြောင်း သိရသည်။ 

"ပစ်ခတ်ခံရတာမှန်ပါတယ်။ သူက   သုံးဘီးဆိုင်ကယ်ဆွဲနေရင်းနဲ့  ပစ်ခတ်ခံရတာပါ" ဟု လုံခြုံရေးအဖွဲ့နှင့် နီးစပ်သူ ကပြောသည်။ 

ထိုသို့လုပ်ကြံသတ်ဖြတ်ခံရမှုကြောင့် ရဲတပ်ကြပ်တင်မိုးဇော်သည် အခင်းဖြစ်နေရာတွင် သေဆုံးသွားခဲ့ပြီး ဖြစ်စဉ်အား ကျူးလွန်ခဲ့သည့်အကြမ်းဖက်သမားများကို ဖမ်းဆီးမိရေးအတွက် လုံခြုံရေးတပ်ဖွဲ့ဝင်များက လိုအပ်သောလုံခြုံရေးလုပ်ငန်းများ ဆောင်ရွက်နေကြောင်း သိရ သည်။ 

ပြီးခဲ့သော ၂ဝ၂၂ ခုနှစ်၊ သြဂုတ်လတွင်လည်း ရန်ကုန်တိုင်း၊ သာကေတမြို့နယ်၌ ဆိုင်ကယ်ကယ်ရီ ဆွဲနေသော   ရဲတပ်ကြပ်ကြီး တစ်ဦးကို PDFအဖွဲ့က သေနတ်ဖြင့်ပစ်ခတ်ခဲ့သည့် ဖြစ်စဉ်ဖြစ်ပွားခဲ့ဖူးသည်။