စော (NSS) - ဒီဇင်ဘာ ၃

ရန်ကုန်တိုင်း၊ သင်္ဃန်းကျွန်းမြို့နယ်ရှိ မဟာရန်ကုန်လက်ဖက်ရည်ဆိုင်တွင် မီးလောင်မှုဖြစ်ပွားခဲ့ပြီး‌နောက် လူသေ အလောင်းတစ်လောင်းတွေ့ရှိခဲ့ကြောင်း သိရသည်။

မီးလောင်မှုဖြစ်စဉ်သည် ယမန်နေ့ (ဒီဇင်ဘာ ၂ ရက်)၊ ည (၉)နာရီ ဝန်းကျင်အချိန်တွင် သင်္ဃန်းကျွန်းမြို့နယ်၊ ဆ/က ရပ်ကွက်၊ ကျိုက္ကဆံဘုရားလမ်းရှိ မဟာရန်ကုန်လက်ဖက်ရည်ဆိုင်၌ ဖြစ်ပွားခဲ့ခြင်းဖြစ်ကြောင်း medical လူငယ်များလူမှုကူညီရေးအသင်းထံမှ သိရသည်။

ထို့သို့ မီး‌လောင်မှုဖြစ်ပွားခဲ့ပြီး‌နောက်ယနေ့  (ဒီဇင်ဘာ ၃ ရက်၊ နံနက်ပိုင်းတွင် ၎င်းလက်ဖက်ဆိုင်၌ ပစ္စည်းရှင်းလင်းနေချိန်အချိန်တွင် လူသေ အလောင်းတစ်လောင်း တွေ့ရှိခဲ့ခြင်းဖြစ်ကြောင်း သိရသည်။

"ဝါယာရှော့ဖြစ်တယ်လို့ ကြားတယ်။ လက်ဖက်ရည်ဆိုင်ဖြစ်တဲ့အတွက်ကို gas အိုးတွေ၊ ဘွိုင်လာအိုးတွေရှိတဲ့ အတွက်ကို ထပွင့်တယ်လို့ သိရတယ်။ လူထိခိုက်ဒဏ်ရာရတယ်လို့တော့ မရှိဘူး။ ဒါပေမယ့် အခုမနက်ပိုင်း ပစ္စည်းတွေရှင်းရင်းနဲ့ အလောင်းတစ်လောင်းတော့ တွေ့တယ်။ သက်ဆိုင်ရာတော့ ရောက်နေပြီ။ body ကို သယ်ဖို့ လုပ်နေတယ်" ဟု medical လူငယ်များလူမှုကူညီရေးအသင်းမှ တာဝန်ရှိသူတစ်ဦးက NP News ကို ပြောသည်။

လက်ရှိတွင် အလောင်းအား သက်ဆိုင်ရာမှ တာဝန်ရှိသူများက စုံစမ်းစစ်ဆေးလျက်ရှိကြောင်း သိရသည်။

အဆိုပါမီးလောင်မှုအား သက်ဆိုင်ရာ မီးသတ်စခန်းများနှင့် လူမှုကူညီရေးအသင်းများမှ ဝိုင်းဝန်းမီးငြှိမ်းသတ်ခဲ့ရာ ည (၉)နာရီ (၇)မိနစ်အချိန်တွင် မီးငြိမ်းသွားခဲ့ကြောင်း သိရသည်။

မီးလောင်မှုကြောင့် အခြားလူနေအိမ်များသို့ မီးကူးစက်‌လောင်ကျွမ်းမှုမရှိသော်လည်း လက်ဖက်ရည်ဆိုင်၏ နောက်ဘက်ခြမ်းတစ်ခုလုံး မီးလောင်ပျက်စီးဆုံးရှုံးသွားခဲ့ကြောင်း သိရသည်။