NSS - ဒီဇင်ဘာ ၁

မကွေးတိုင်း၊ ရေစကြိုမြို့နယ်ရှိ ဂျပန်- မြန်မာ(ခုရိုဒ) လက်အိတ်စက်ရုံမှ မန်နေဂျာကို PDF များက စက်ရုံတွင်းဝင်ရောက်ကာ ဖမ်းဆီးခေါ်ဆောင်သွားခဲ့ကြောင်း နစကမှ ထုတ်ပြန်ထားသည်။

အဆိုပါဖြစ်စဥ်မှာ ပြီးခဲ့သည့် နိုဝင်ဘာလ(၂၈)ရက်တွင် ရေစကြိုမြို့နယ်၊ ဆန်းသစ်ကျေးရွာအနီးရှိ ဂျပန်-မြန်မာ(ခုရိုဒ) လက်အိတ်စက်ရုံတွင် ဖြစ်ပွားခဲ့ကြောင်း သိရသည်။

၎င်းစက်ရုံအတွင်းသို့ နိုဝင်ဘာလ(၂၈)ရက်၊ ည(၉)နာရီခွဲအချိန်ခန့်တွင် PDF အင်အား (၁၀)ဦးခန့်သည် ဆိုင်ကယ်များဖြင့် ရောက်ရှိလာကြောင်း နစက၏ထုတ်ပြန်ချက်အရ သိရသည်။

ထို့နောက် စက်ရုံမန်နေဂျာအား စက်ရုံပိုင် Light Truck ကားဖြင့် ဖမ်းဆီးခေါ်ဆောင်သွားခဲ့ကြောင်း နစကမှ ဆိုထားသည်။

လက်ရှိတွင် အဆိုပါဖြစ်စဥ်နှင့် ပတ်သက်၍ နယ်မြေခံလုံခြုံရေးတပ်ဖွဲ့ဝင်များမှ စုံစမ်းစစ်ဆေးမှုများ ဆက်လက်ဆောင်ရွက်နေကြောင်း နစကမှ ဆိုထားသည်။