ဂျန်ဇက် (NSS) - နိုဝင်ဘာ ၂၈

အစ္စရေး နဲ့ ဟားမက်စ်လက်နက်ကိုင်အဖွဲ့ကြားဖြစ်ပွားနေတဲ့ ဂါဇာဒေသစစ်ပွဲကို နောက်ထပ်သက်တမ်းနှစ်ရက်တိုးဖို့ သဘောတူညီခဲ့ကြောင်း အမေရိကန် နဲ့ ကာတာအစိုးရတို့က အတည်ပြုပြောဆိုလိုက်ပါတယ်။

အမေရိကန်အမျိုးသားလုံခြုံရေးကောင်စီပြောရေးဆိုခွင့်ရှိသူ ဂျွန်ကီဘိုင်က အဆိုပါ ထပ်မံသက်တမ်းတိုးတဲ့ကာလအတွင်း ပါလက်စတိုင်းလက်နက်ကိုင်အဖွဲ့ဟားမက်စ်အုပ်စုဟာ နှစ်ရက်အတွင်း ပြန်ပေးဆွဲခံထားရသူအနည်းဆုံး ၂၀ ဦးကို ပြန်လွှတ်ပေးရမှာဖြစ်ကြောင်း ဆိုပါတယ်။ 

ကာတာနိုင်ငံခြား ရေးဝန်ကြီးဌာန ပြောရေးဆိုခွင့်ရှိသူ Majed Al-Ansari က ဟားမက်စ်နဲ့အစ္စရေးနိုင်ငံကြား အပစ်ခတ်ရပ်စဲရေးဟာ နောက်ထပ်သက်တမ်း နှစ်ရက်တိုးဖို့ သဘောတူညီခဲ့ကြောင်းပြောပါတယ်။ အဲဒီအပစ်ခတ်ရပ်စဲရေးကာလအတွင်း ဂါဇာကမ်းမြောင်ဒေသကို လူသားချင်းဆိုင်ရာစာနာမှုအကူအညီတွေပေးပို့ခွင့်ပေးသွားမှာဖြစ်ပြီး ပါလက်စတိုင်းအကျဉ်းသားတွေလည်း ထပ်မံပြန်လွှတ်ပေးရမှာဖြစ်ပါတယ်။

အစ္စရေး နဲ့ ဟားမက်စ်လက်နက်ကိုင်အဖွဲ့တွေဟာ (၄)ရက်ကြာ ယာယီအပစ်ခတ်ရပ်စဲရေးကို နိုဝင်ဘာ လ ၂၄ ရက်မှာစတင်ခဲ့ပြီး အဲဒီယာယီအပစ်ခတ်ရပ်စဲရေးဟာ နိုဝင်ဘာလ ၂၇ ရက်မှာ သက်တမ်းကုန်ဆုံးခဲ့တာကြောင့် ထပ်မံပြီးသက်တမ်းနှစ်ရက်တိုးဖို့ သဘောတူညီခဲ့တာဖြစ်ပါတယ်။ အမေရိကန်အစိုးရကလည်း ဟားမက်စ်နဲ့အစ္စရေးနိုင်ငံကြား ယာယီအပစ်ခတ်ရပ်စဲရေး ထပ်မံသက်တမ်းတိုးနိုင်ခဲ့ကြောင်းပြောပါတယ်။

ဟားမက်စ်လက်နက်ကိုင်အဖွဲ့က အပစ်ခတ်ရပ်စဲရေးသက်တမ်းတိုးရာမှာ ယခင် ၄ ရက်ကြာ အပစ်ခတ်ရပ်စဲရေးစာချုပ်အတိုင်းသာ လုပ်ဆောင်သွားမှာဖြစ်ကြောင်း ဆိုပါတယ်။