NSS - နိုဝင်ဘာ ၂၃

စစ်ကိုင်းတိုင်း၊ ရွှေဘိုမြို့နယ်တွင် PDF အဖွဲ့ထောင်ထားသည့် လက်လုပ်မိုင်းပေါက်ကွဲမှုကြောင့် အမျိုးသားတစ်ဦး ထိခိုက်ဒဏ်ရာရရှိခဲ့ကြောင်း ရဲတပ်ဖွဲ့က သတင်းထုတ်ပြန်ထားသည်။

ပြီးခဲ့သည့် နိုဝင်ဘာလ ၁၉ ရက်၊ ညနေ ၅ နာရီခန့်က ရွှေဘိုမြို့နယ်၊ ကြက်တက်ကျေးရွာအနီးရှိ လမ်းဘေးတွင် အထက်ပါကဲ့သို့ ဖြစ်ပွားခဲ့ခြင်းဖြစ်ကြောင်း သိရသည်။

ဖြစ်စဉ်မှာ ရွှေဘိုမြို့၊ အမှတ်(၁၀)ရပ်ကွက်နေ ဦးဖြိုးမင်းဝေ(၃၉)နှစ်သည် ညောင်ပင်သာကျေးရွာသို့ ဈေးရောင်းရန် ဆိုင်ကယ်ဖြင့် သွားရောက်စဉ် အခင်းဖြစ်နေရာအရောက် PDF အဖွဲ့ထောင်ထားသည့် လက်လုပ်မိုင်းတစ်လုံးအား နင်းမိကာပေါက်ကွဲမှုဖြစ်ပွားခဲ့ကြောင်း သိရသည်။

လက်လုပ်မိုင်းပေါက်ကွဲမှုကြောင့် ဦးဖြိုးမင်းဝေ၏ ဦးခေါင်း နှင့် ဝဲဘက်ခြေထောက်တို့တွင် မိုင်းစထိမှန်ဒဏ်ရာများရရှိခဲ့ကြောင်း သိရသည်။

ထို့ကြောင့် မိုင်းစထိမှန်ဒဏ်ရာရရှိသူ အမျိုသားအား မန္တလေးမြို့ပြည်သူ့ဆေးရုံကြီးသို့ ပို့ဆောင်ပေးထားပြီး ပြစ်မှုကျူလွန်သူများအား ဖော်ထုတ်ဖမ်းဆီး၍ ဥပဒေနှင့်အညီ ထိရောက်စွာအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းစစ်ဆေးမှုများ ပြုလုပ်လျက်ရှိကြောင်း သိရသည်။