ဂျန်ဇက်  (NSS) - နိုဝင်ဘာ ၈

ရုရှားအစိုးရဟာ နိုင်ငံတကာရာဇာဝတ်တရားရုံး  (ICC) ရဲ့ တရားသူကြီးတစ်ဦးကို အလိုရှိတဲ့တရားခံစာရင်းထဲမှာ ထည့်သွင်းလိုက်ကြောင်း သိရပါတယ်။

ရုရှားအစိုးရဟာ နိုင်ငံတကာရာဇဝတ်တရားရုံးရှိ တာဝန်ရှိသူများနဲ့ပတ်သက်တဲ့ရာဇဝတ်မှုတွေကို ကာလအတန်ကြာ စုံစမ်းစစ်ဆေးခဲ့ပြီးနောက် တရားသူကြီးဖြစ်သူ Sergio Gerardo Ugalde Godinez ဆိုသူကို အလိုရှိတဲ့တရားခံစာရင်းမှာ ထည့်သွင်းလိုက်တာမျိုးဖြစ်ပါတယ်။

ရုရှားနိုင်ငံခြားရေးဝန်ကြီးဌာနက  (ICC) တာဝန်ရှိသူများကို ရုရှားနိုင်ငံရဲ့ရာဇဝတ်မှုကျင့်ထုံးများနဲ့အညီစုံစမ်းစစ်ဆေးခဲ့ပြီးနောက် တရားသူကြီးတစ်ဦးကို အလိုရှိတဲ့တရားခံစာရင်းထဲ ထည့်သွင်းလိုက်တာဖြစ်ပါတယ်။

ရုရှားနိုင်ငံခြားရေးဝန်ကြီးဌာနဟာ Sergio Gerardo Ugalde Godinez ဆိုသူကို ဘာကြောင့် အလိုရှိတဲ့တရားခံစာရင်းထဲ ထည့်သွင်းခဲ့သလဲဆိုတဲ့အချက်ကို အသေးစိတ်ဖော်ပြခြင်းမျိုး မရှိကြောင်း သိရပါတယ်။

အဆိုပါတရားရုံးဟာ ရုရှားသမ္မတပူတင်နဲ့အတူ ရုရှားကလေးငယ်ဆိုင်ရာအခွင့်အရေးအဖွဲ့အကြီးအကဲဖြစ်သူတို့ကို ဖမ်းဝရမ်းထုတ်ခဲ့ပြီးနောက် ရုရှားအစိုးရဘက်က ပြန်လည်တုံ့ပြန်လာခြင်းမျိုးဖြစ်ပါတယ်။ရုရှားအစိုးရဟာ  (ICC) ရဲ့ဖမ်းဝရမ်းထုတ်ပြန်ခြင်းမျာကို ငြင်းဆန်ပယ်ချထားကြောင်း သိရပါတယ်။

ရုရှားဟာ (ICC) အဖွဲ့ဝင်နိုင်ငံမဟုတ်သလို (ICC) အဖွဲ့ကိုလည်း အသိအမှတ်ပြုထားတဲ့ နိုင်ငံတစ်နိုင်ငံမဟုတ်ကြောင်း သိရပါတယ်။ ယူကရိန်းစစ်ပွဲစတင်ခဲ့ပြီးနောက်ပိုင်း ရုရှားနဲ့ အနောက်အုပ်စုနိုင်ငံများကြားတင်းမာမှုအရှိန်မြင့်တက်လာနေချိန်မှာ(ICC) အဖွဲ့က ရုရှားသမ္မတပူတင်ကို ဖမ်းဆီးဖို့ ဝရမ်းထုတ်ခဲ့တာဖြစ်ပါတယ်။ ရုရှားသမ္မတပူတင်ဟာ အဆိုပါဖမ်းဝရမ်းကြောင့် (ICC) အဖွဲ့ဝင်နိုင်ငံများကို သွားဖို့ အခက်အခဲများ ရှိခဲ့ရဖူးကြောင်း သိရပါတယ်။