ရောင်နီ (NSS) - နိုဝင်ဘာ ၅ 

Reality TV ကြယ်ပွင့်နဲ့ စွန့်ဦးတီထွင်သူ ကော့နေးကာဒါရှန်နဲ့ တေးဂီတပညာရှင် ထရက်ဗစ်ဘာကာတို့ စုံတွဲဟာ ၎င်းတို့ရဲ့ ပထမဆုံး ရင်သွေးလေး မွေးဖွားခဲ့ပြီဖြစ်ကြောင်း စနေနေ့ (နိုဝင်ဘာ  ၄ ရက်) က မီဒီယာများမှတစ်ဆင့် ပရိသတ်ကို အသိပေးအကြောင်းကြားလာခဲ့ပါတယ်။  

အသက် ၄၄ နှစ်အရွယ် ကာဒါရှန်ဟာ ဇွန်လက ဘာကာဖျော်ဖြေတဲ့ Blink 182 ဖျော်ဖြေပွဲမှာ ၎င်းတို့စုံတွဲရဲ့ ပထမဆုံးကိုယ်ဝန်ရရှိခဲ့ပြီဖြစ်ကြောင်း ကြေညာခဲ့ပြီး သား ယောက်ျားလေးဖြစ်ဖို့ မျှော်လင့်ထားကြောင်း ထုတ်ဖော်ပြောကြားခဲ့ပါတယ်။ 

စနေနေ့ (နိုဝင်ဘာ ၄ ရက်) မှာတော့ စုံတွဲရဲ့ပထမဆုံးရင်သွေးလေးဟာ မွေးဖွားခဲ့ပြီဖြစ်ပါတယ်။ ရင်သွေးဟာ သားယောင်္ကျားလေးလား၊ မိန်းကလေးလားဆိုတာတော့ မသိရသေးပါဘူး။ ၎င်းတို့စုံတွဲရဲ့ပထမဆုံးရင်သွေး အတွက် ပရိသတ်တွေက ဝမ်းသာကြောင်း ဆုမွန်ကောင်းတွေ ပေးခဲ့ကြပါတယ်။ 

သူတို့စုံတွဲဟာ ၂ဝ၂၂ ခုနှစ်က အီတလီမှာ မင်္ဂလာအခမ်းအနားပြုလုပ်ကာ လက်ထပ်ခဲ့ခြင်း ဖြစ်ပါတယ်။