သန့်ဇင် (NSS) - နိုဝင်ဘာ ၁

မန္တလေးတိုင်း၊ အောင်မြေသာစံမြို့နယ်ရှိ မြနန်းစံကျော်ရွှေနန်းတော်တွင် အများပြည်သူများလာရောက်ကြည့်ရှုနိုင်ရန် ဘုရင့်အသုံးအဆောင်ပစ္စည်းများ လာရောက်လှူဒါန်းနိုင်ကြောင်း ရှေးဟောင်းသုတေသန နှင့် အမျိုးသားပြတိုက်ဦးစီးဌာန (MORAC)က ထုတ်ပြန်ထားသည်။

ရှေးဟောင်းသုတေသနနှင့်အမျိုးသားပြတိုက်ဦးစီးဌာနက ယမန်နေ့ (အောက်တိုဘာလ ၃၁ ရက်) က အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။

ရှေးမြန်မာဘုရင့်အသုံးအဆောင်ပစ္စည်းများကို အများပြည်သူများအား ပြန်လည်ခင်းကျင်းပြသနိုင်ရေးအတွက် ရှေးဟောင်းသုတေသနနှင့် အမျိုးသားပြတိုက်ဦးစီးဌာနက စီစဉ်ဆောင်ရွက်လျက်ရှိကြောင်း သိရသည်။

ထိုသို့ ဆောက်ရွက်လျက်ရှိရာ ဘုန်းတော်ကြီးကျောင်းများ နှင့် ပုဂ္ဂလိကများအနေဖြင့် ရှေးမြန်မာဘုရင့်အသုံးအဆောင်ပစ္စည်းများရှိပါက သက်ဆိုင်ရာ အထောက်အထားနှင့်တကွ လာရောက်လှူဒါန်းနိုင်ကြောင်း သိရသည်။

လာရောက်လှူဒန်းသည့် ပစ္စည်းများတွင် ရှားပါ၍ တန်ဖိုးကြီးမားသည်ဟု သတ်မှတ်နိုင်သည့် ပစ္စည်းများအား စိစစ်ရွေးချယ်ပြီးပါက အဆိုပါ ပစ္စည်းများအတွက် ဂုဏ်ပြုမှတ်တမ်းနှင့်တကွ ချီးမြှင့်ငွေများပေးအပ်သွားမည်ဖြစ်ကြောင်းလည်း MORAC က အသိပေးထုတ်ပြန်ထားသည်။