NSS - အောက်တိုဘာ ၃၀

မကွေးတိုင်း၊ မြိုင်မြို့ရှိ နေအိမ်ခြံဝန်းတစ်ခုအတွင်းသို့ PDF အဖွဲ့က လက်လုပ်အသံဗုံးတစ်လုံးပစ်ပေါက်ထွက်ပြေးသွားခဲ့ကြောင်း ရဲတပ်ဖွဲ့က ထုတ်ပြန်ထားသည်။

ဖြစ်စဉ်မှာ ပြီးခဲ့သော အောက်တိုဘာလ ၂၇ ရက်၊ ညနေ ၄နာရီ ၄၅မိနစ်အချိန်တွင် မြိုင်မြို့နယ်၊ အမှတ်(၃)ရပ်ကွက်ရှိ နေအိမ်ခြံဝန်းတစ်ခုအတွင်း၌ အထက်ပါကဲ့သို့ ဖြစ်ပွားခဲ့ကြောင်း သိရသည်။

အဆိုပါရပ်ကွက်ရှိ ဦးလှအေး(၆၁)နှစ်၏ နေအိမ်ခြံဝန်းရှေ့သို့ PDF အဖွဲ့ဝင် (၂)ဦးက ဆိုင်ကယ်ဖြင့်ရောက်ရှိလာကာ လက်လုပ်အသံဗုံးတစ်လုံးဖြင့် ပစ်ပေါက်ထွက်ပြေးသွားခဲ့ကြောင်း ရဲတပ်ဖွဲ့က ထုတ်ပြန်ထားသည်။

ထိုသို့ လက်လုပ်အသံဗုံးဖြင့်ပစ်ပေါက်မှုကြောင့် လူထိခိုက်မှုမရှိခဲ့သော်လည်း နေအိမ်သွပ်တံခါး(၂)ချပ် ဗုံးစထိမှန်ပျက်စီးသွားခဲ့ကြောင်း သိရသည်။

ထို့နောက် ဗုံးပစ်ပေါက်ကျူလွန်သူများအား ဖော်ထုတ်ဖမ်းဆီး၍ ဥပဒေနှင့်အညီအပြစ်ပေးအရေးယူနိုင်ရေးလုံခြုံရေးတပ်ဖွဲ့ဝင်များက ဆက်လက်လုပ်ဆောင်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။