စော (NSS) - အောက်တိုဘာ ၂ဝ

လာမည့် သီတင်းကျွတ်ပိတ်ရက်အတွက် အထူးရထား ခရီးစဉ်များ ပြေးဆွဲသွားမည်ဖြစ်ကြောင်း မြန်မာ့မီရထားထံမှ သိရသည်။

အဆိုပါ အထူးရထားခရီးစဉ်များမှာ ရန်ကုန်-မန္တလေး၊ ရန်ကုန်-ပြည်၊ ရန်ကုန်-နေပြည်တော် အထူးရထားများ ပြေးဆွဲသွားမည်ဖြစ်ကြောင်း သိရသည်။

“ရန်ကုန်-ပြည်ရထားခရီးစဉ်မှာ RBE ရထားတွေပြေးဆွဲဖို့ စီစဉ်ထားတယ်။ ရန်ကုန်-နေပြည်တော်ရထားခရီးစဉ်ကိုလည်း ရုံးတွေ၊ ကျောင်းတွေပိတ်တာနဲ့ ပြေးဆွဲပေးမှာပါ။ လက်မှတ်တွေကတော့ အရင်လိုပဲ ရောင်းပေးမှာပါ” ဟု မြန်မာ့မီရထားမှ တာဝန်ရှိသူတစ်ဦးက NP News ကို ပြောသည်။

အထူးရထားများအတွက် လက်မှတ်များကို မနက် (၇)နာရီမှ မွန်းလွဲ (၃)အထိ လေးရက်ကြိုတင် ရောင်းချသွားမည်ဖြစ်ကြောင်း ၎င်းက ဆက်လက်ပြောထားသည်။

အဆိုပါ အထူးရထားခရီးစဉ်များကို မည်သည့်နေ့တွင် စတင်ပြေးဆွဲမည်ကို အတိအကျ မသိရသေးပေ။