ရောင်နီ (NSS)  - အောက်တိုဘာ ၁၇ 

ပေါ့ပ်အဆိုတော် တေလာဆွစ်ဖ်ရဲ့ World Tour ဖျော်ဖြေပွဲဗီဒီယိုတွေဟာ ရုပ်ရှင်ပိတ်ကားထက် ရောက်ရှိလာဦးမှာဖြစ်ပါတယ်။  

ကမ္ဘာတစ်ဝန်း ခန့်မှန်းခြေ အမေရိကန်ဒေါ်လာ ၁၂၆ သန်း (ဒေါ်လာ ၁၇၃ သန်း) ထိ ရရှိထားတဲ့ တေလာရဲ့ The Eras Tour ပေါ့စ်ဖျော်ဖြေပွဲကို လာမယ့်သီတင်းပတ် အားလပ်ရပ်တွေမှာ ရုံတင်ပြသတော့မှာဖြစ်ပါတယ်။ ဟောလိဝုဒ်သရုပ်ဆောင်တွေ ဆန္ဒပြမှုကြောင့် ရုံတင်ဇာတ်ကားတွေ  နှောင့်နှေးနေချိန်မှာ တေလာရဲ့ရှိုးပွဲတွေကို ရုပ်ရှင်ရုံတွေမှာ ပြသမှာဖြစ်ပါတယ်။  

တေလာရဲ့ The Eras Tour အတွက် အမေရိကန်နဲ့ ကနေဒါ လက်မှတ်ရောင်းရငွေဟာ တနင်္ဂနွေ (အောက်တိုဘာ ၁၅ ရက်) အကုန်မှာ အမေရိကန်ဒေါ်လာ ၉၅ သန်းမှ ၉၇ သန်းအထိ ရှိလာမယ်လို့ ခန့်မှန်းထားတယ်လို့ AMC Theaters က ဆိုပါတယ်။ ဒါဟာ Justin Bieber ရဲ့ ၂ဝ၁၁ ခုနှစ် ထွက်ရှိခဲ့တဲ့ Never Say Never ဖျော်ဖြေပွဲတစ်ခုရဲ့ လက်ရှိစံချိန်တင်ထားတဲ့ လက်မှတ်ရောင်းရငွေ အမေရိကန်ဒေါ်လာ ၇၃ သန်းကို ကျော်လွန်သွားမယ်လို့ ခန့်မှန်းရပါတယ်။ 

အဆိုပါဖျော်ဖြေပွဲကို ဘရာဇီး၊ တောင်ကိုရီးယား၊ စင်ကာပူနှင့် မလေးရှား အပါအဝင် အခြားနိုင်ငံတွေမှာ ပြသဖို့ စီစဉ်ထားပါတယ်။ ဒီရှိုးပွဲ ရုံတင်ပြသမယ့် အစီအစဉ်ဟာ Box Office ဇယားမှာ ထိပ်ဆုံးရောက်နေတဲ့ ဇာတ်ဝင်ခန်း အက်ရှင်ဇာတ်ကားတွေနဲ့ ကွဲပြားတာကြောင့် ဘယ်လောက်တားဂတ်ထိ ရောက်မယ်ဆိုတာ ခန့်မှန်းရခက်တယ်လို့ လေ့လာသူတွေက ဆိုပါတယ်။        

တေလာရဲ့ပရိသတ်တွေကတော့ Eras Tour ကို ဖန်သားပြင်ကြီးမှာ မြင်တွေ့ရတော့မှာဖြစ်တဲ့အတွက် စိတ်လှုပ်ရှားနေကြပါတယ်။