Pika (NSS) - အောက်တိုဘာ ၈ 

 ကမ္ဘာကျော်  Forbes မဂ္ဂဇင်းက ဖော်ပြထားသော ရုရှားနိုင်ငံတွင် အမြတ်အစွန်းအများဆုံးရရှိသည့် ကုမ္ပဏီများ စာရင်းတွင် ရုရှားစွမ်းအင်ကုမ္ပဏီကြီး Gazprom သည် (၂)နှစ်ဆက်တိုက် ထိပ်ဆုံးနေရာတွင် ရပ်တည်ခဲ့ကြောင်း သိရသည်။

ပြီးခဲ့သည့်နှစ်တွင် ရုရှားစွမ်းအင်ကုမ္ပဏီ Gazprom သည် အမြတ်ငွေ အမေရိကန်ဒေါ်လာ(၁၃)ဘီလျံ ရရှိခဲ့ပြီး နောက် ရုရှားနိုင်ငံ၏ အမြတ်အစွန်းအများဆုံးရရှိသည့် ကုမ္ပဏီ(၁ဝဝ)ထဲတွင် ထိပ်ဆုံးမှာရပ်တည်နိုင်ခဲ့ကြောင်း သိရသည်။ အမြတ်အစွန်းအများဆုံးရရှိသည့် ထိပ်တန်းကုမ္ပဏီ(၃)ခုတွင် အမြတ်ငွေ အမေရိကန်ဒေါ်လာ (၈ ဒသမ ၄) ဘီလျံ ရရှိခဲ့သော သဘာဝဓါတ်ငွေရည့် ထုတ်လုပ်ရေးကုမ္ပဏီ Yamal LNG နှင့် အမြတ်ငွေ အမေရိကန်ဒေါ်လာ (၈ ဒသမ ၁) ဘီလျံရရှိခဲ့သည့် ရုရှား၏ အဓိက ရေနံကုမ္ပဏီတစ်ခုဖြစ်သော Rosneft တို့ ပါဝင်ကြောင်းလည်း သိရသည်။

ရုရှား၏ အကြီးဆုံးပုဂ္ဂလိက ရေနံကုမ္ပဏီ Lukoil သည် အမြတ်ငွေ အမေရိကန်ဒေါ်လာ(၇ ဒသမ ၉) ဘီလျံ ရရှိခဲ့ပြီး Rosneft ကုမ္ပဏီနောက်တွင် ရပ်တည်နေကြောင်းလည်း သိရသည်။ 

ရုရှားနိုင်ငံ၏ ဒုတိယအကြီးဆုံး သဘာဝဓါတ်ငွေ့ထုတ်လုပ်ရေးကုမ္ပဏီ Novatek သည် အမြတ်ငွေ အမေရိကန် ဒေါ်လာ (၆ ဒသမ ၄) ဘီလျံဖြင့် အမြတ်အစွန်းအများဆုံး ရရှိသည့် ကုမ္ပဏီများထဲတွင် ပါဝင်ကြောင်း သိရသည်။ အမြတ်အစွန်းအများဆုံးရရှိသည့် ထိပ်တန်းကုမ္ပဏီ(၁ဝ) ခုတွင် သတ္တုတူးဖော်ရေးကုမ္ပဏီကြီး Norilsk Nickel (အမေရိကန်ဒေါ်လာ ၄ ဒသမ ၂၉ ဘီလျံ)၊ ရေနံ ထုတ်လုပ်သည့်ကုမ္ပဏီ Tatneft (အမေရိကန်ဒေါ်လာ ၂ ဒသမ ၈၅ ဘီလျံ)၊ ရေနံ နှင့် သဘာဝဓါတ်ငွေ့လုပ်ငန်း Sakhal0in Energy (အမေရိကန်ဒေါ်လာ ၂ ဒသမ ၈၄ ဘီလျံ)၊ ထိပ်တန်းငွေချေးကုမ္ပဏီ Sber (အမေရိကန်ဒေါ်လာ ၂ ဒသမ ၇ ဘီလျံ) နှင့် ဓါတ်မြေဩဇာထုတ်လုပ်ရေးကုမ္ပဏီ PhosAgro (အမေရိကန်ဒေါ်လာ ၁ ဒသမ ၈၅ ဘီလျံ) တို့ ပါဝင်ကြောင်း သိရသည်။