အင်ဒိုနီးရှားအသင်းကို (၂)ပွဲပြတ်ဖြင့် ရွှေတံဆိပ်ရယူသွားခဲ့သည့် မြန်မာအမျိုးသားပိုက်ကျော်ခြင်းလုံးအသင်း
ရဲပြည့်(NSS) - အောက်တိုဘာ ၄
အာရှအာကစားပြိုင်ပွဲ၏ အမျိုးသားပိုက်ကျော်ခြင်း(လေးယောက်တွဲ) ဗိုလ်လုပွဲစဉ်တွင် မြန်မာအသင်းသည် အင်ဒိုနီးရှားအသင်းကို (၂)ပွဲပြတ်ဖြင့်အနိုင်ရယူပြီး ရွှေတံဆိပ်ဆွတ်ခူးရရှိခဲ့သည်။
ယနေ့ (အောက်တိုဘာလ ၄ ရက်)၊ နံနက် (၇)ခွဲတွင် ယှဉ်ပြိုင်ကစားသမားခဲ့သည့် အာရှအားကစားပြိုင်ပွဲ ၊ အမျိုးသားပိုက်ကျော်ခြင်း(လေးယောက်တွဲ) ဗိုလ်လုပွဲစဉ်ကို ယှဉ်ပြိုင်ကစားခဲ့ခြင်းဖြစ်သည်။
မြန်မာအသင်းသည် အင်ဒိုနီးရှားအသင်းကို နှစ်ပွဲတွင်( ၂၁ - ၁၃ ) ၊ ( ၂၄ - ၂၂ )ရလဒ်တို့ဖြင့် နှစ်ပွဲပြတ်အနိုင်ရရှိခဲ့ပြီး မြန်မာနိုင်ငံအတွက် ပထမဦးဆုံး ရွှေတံဆိပ်ဆုကို ရယူနိုင်ခဲ့ခြင်းဖြစ် သည်။
မြန်မာအမျိုးသားပိုက်ကျော်ခြင်း(လေးယောက်တွဲ)အသင်းသည် အုပ်စုတွင်းက ရှုးနိမ့်ခဲ့သည့် အင်ဒိုနီးရှားအသင်းကို ဗိုလ်လုပွဲတွင် (၂)ပွဲပြတ်ဖြင့် အနိုင်ရရှိခဲ့ခြင်းဖြစ်သည်။
မြန်မာအသင်းသည် ပထမတစ်ပွဲကို ပြတ်ပြတ်သားသားအနိုင်ယူနိုင်ခဲ့သော်လည်း ဒုတိယပွဲစဉ်တွင် ရမှတ်တူအနေအထားမှ သူတစ်ပြန်ကိုယ်တစ်ပြန်အကြိတ်အနယ်ကစားခဲ့ရပြီး ခက်ခဲစွာအနိုင်ရယူနိုင်ခဲ့ခြင်းဖြစ်သည်။
မြန်မာပိုက်ကျော်ခြင်းအသင်းသည် ပြိုင်ပွဲအတွင်း အင်ဒိုနီးရှား ၊ ဗီယက်နမ်၊ လာအို ၊ ဂျပန်အသင်းတိုကို အဆင့်ဆင့်ကျော်ဖြတ်လာကာ ချန်ပီယံဆုကို ရရှိခဲ့ခြင်းဖြစ်သည်။
မြန်မာအမျိုးသား ပိုက်ကျော်ခြင်းအသင်းသည် (၁၉)ကြိမ်မြောက် အာရှအားကစားပြိုင်ပွဲတွင် မြန်မာနိုင်ငံအတွက် ပထမဆုံး ဆုတံဆိပ် ရယူပေးခဲ့သည့် အသင်းလည်းဖြစ်သည်။
မနက်ဖြန် (အောက်တိုဘာလ ၅ ရက်)တွင်လည်း အမျိုးသား (သုံးယောက်တွဲ) ပိုက်ကျော်ခြင်းပွဲစဉ်များကို စတင်ယှဉ်ပြိုင်တော့မည်ဖြစ်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အင်းတော်မြို့နယ်၌ ကျောင်းထိုင်ဆရာတော်တစ်ပါးအား အကြမ်းဖက်အဖွဲ့က ဖမ်းဆီးသွားပြီး (၅)ရက်အကြာ၌ ပုပ်ပွသေဆုံးလျက်ပြန်လည်တွေ့ရှိ
RELATED POSTS
08 Nov 2024 | အားကစား,ပြည်တွင်း
