မဟာအောင်မြေမြို့နယ်၌ အမျိုးသားတစ်ဦး အရိုက်ခံရ၍ မျက်နှာတွင် ထိခိုက်ဒဏ်ရာရရှိ
စော(NSS) - အောက်တိုဘာ ၁
မန္တလေးတိုင်း၊ မဟာအောင်မြေမြို့နယ်တွင် အမျိုးသားတစ်ဦး အရိုက်ခံရ၍ မျက်နှာတွင် ထိခိုက်ဒဏ်ရာရရှိခဲ့ကြောင်း သိရသည်။
ဖြစ်စဉ်မှာ ယမန်နေ့(စက်တင်ဘာလ ၃၀ ရက်)၊ ည (၉)နာရီဝန်းကျင်အချိန်တွင် မဟာအောင်မြေမြို့နယ်၊ (၃၉)လမ်း၊ ၈၀x၈၁လမ်းကြား၌ အထက်ပါကဲ့သို့ဖြစ်ပွားခဲ့ခြင်းဖြစ်ကြောင်း မဟာလူမှုကယ်ဆယ်ရေးအသင်းထံမှ သိရသည်။
“အကြောင်းစုံကတော့ မသိရဘူး။ ရိုက်မှုဖြစ်တယ်လို့ပဲပြောတယ်။ ပစ္စည်းအလုခံရတာလို့တော့ ပြောသံမကြားမိဘူး။ မျက်နှာမှာပဲ ဒဏ်ရာတွေရသွားပါတယ်။ အခြားနေရာတော့ မတွေ့ပါဘူး”ဟု မဟာလူမှုကယ်ဆယ်ရေးအသင်းမှ တာဝန်ရှိသူတစ်ဦးက NSS ကိုပြော သည်။
အဆိုပါ အမျိုးသားအား လက်ရှိ မန္တလေးပြည်သူ့ဆေးရုံကြီးသို့ ပို့ဆောင်ထားကြောင်း ၎င်းအသင်းက ပြောသည်။
အလားတူ မန္တလေးတိုင်း၊ ချမ်းအေးသာစံမြို့နယ်၊ မြို့တော်ဥယျာဉ်ကစားကွင်းအနီး၌ ပြီးခဲ့သည့် (စက်တင်ဘာလ ၂၆ရက်)တွင် အသက် (၂၆)နှစ်အရွယ် အမျိုးသားတစ်ဦး ဦးခေါင်းထိခိုက်ဒဏ်ရာဖြင့် သေဆုံးမှုဖြစ်ပွားခဲ့ဖူးကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လျှပ်စစ်ဓာတ်အားပေးစက်ရုံများတွင် အရေးပေါ်လိုအပ်ချိန်၌ အစားထိုးတပ်ဆင်နိုင်မည့် Transformer များကို အရန်အဖြစ်ထားရှိရန် လိုအပ်ဟုဆို
RELATED POSTS
22 Nov 2024 | မှုခင်း,ပြည်တွင်း
