NSS - စက်တင်ဘာ ၂၈

အာရှအားကစားဘောလုံးပြိုင်ပွဲတွင် ရှုံးထွက်ပွဲစဉ်အဖြစ် မြန်မာယူ -၂၄ အသင်းနှင့် အာရှအင်အားကြီး ဂျပန်အသင်းတို့ ယနေ့ (စက်တင်ဘာလ ၂၈ရက်)၊ ညနေ ၆နာရီအချိန်တွင် ယှဉ်ပြိုင်ကစားကြမည်ဖြစ်ကြောင်း သိရသည်။

မြန်မာနိုင်ငံဘောလုံးအဖွဲ့ချုပ်က ယနေ့(စက်တင်ဘာလ ၂၈ ရက်)တွင် အထက်ပါကဲ့သို့ ထုတ်ပြန်လိုက်ခြင်းဖြစ်သည်။

ရှုံးထွက် (၁၆)သင်းအဆင့်တွင် မြန်မာယူ -၂၄ အသင်းအပြင် အိမ်ရှင် တရုတ်၊ အိန္ဒိယ၊ အီရန်၊ ဆော်ဒီအာရေဗျ၊ ဥဇဘတ်ကစ္စတန်၊ ဟောင်ကောင်၊ တောင်ကိုရီးယား၊ ပါလက်စတိုင်း၊ ကာတာ၊ ဂျပန်၊ ဘာရိန်း၊ မြောက်ကိုရီးယား၊ ထိုင်း၊ ကာဂျစ္စတန်နှင့် အင်ဒိုနီးရှားတို့ ပါဝင်လာခဲ့သည်။ 

အဆိုပါ ရှုံးထွက်ပွဲစဉ်တွင် မြန်မာ့လက်ရွေးစင်ယူ -၂၄အသင်းအနေဖြင့် အာရှအင်အားကြီး ဂျပန်အသင်းနှင့် ယှဉ်ပြိုင်ကစားသွားရမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်က သတင်းထုတ်ပြန်ထားသည်။

အလားတူ မြန်မာအမျိုးသမီးဘောလုံးအသင်းအနေဖြင့် ယနေ့(စက်တင်ဘာလ ၂၈ ရက်) ညနေ ၆နာရီအချိန်တွင် ဖိလစ်ပိုင်အမျိုးသမီးဘောလုံးအသင်းနှင့် အုပ်စုနောက်ဆုံးပွဲစဉ်ယှဉ်ပြိုင်ကစားသွားရမည်ဖြစ်ကြောင်းလည်း ဘောလုံးအဖွဲ့ချုပ်က သတင်းထုတ်ပြန်ထားသည်။