Pika (NSS) - စက်တင်ဘာ ၂၃

ထိုင်ဝမ်ကျွန်းတောင်ပိုင်းရှိ ဂေါက်သီးထုတ်လုပ်သော စက်ရုံတွင် မီးလောင်ကျွမ်းမှုနှင့်အတူ ပေါက်ကွဲမှုများဖြစ်ပွားခဲ့ခြင်းကြောင့် အနည်းဆုံးလူ(၆)ဦးသေဆုံးခဲ့ပြီး အခြားလူ(၁၀၀)ကျော် ထိခိုက်ဒဏ်ရာရရှိခဲ့ကြောင်း အာဏာပိုင်များက ပြောကြားခဲ့သည်။

စက်တင်ဘာလ(၂၂)ရက်ညက Pingtung ကောင်တီတွင်ရှိသော ဂေါက်သီးထုတ်လုပ်သည့်စက်ရုံတွင် မီးလောင်ကျွမ်းမှုများ စတင်ဖြစ်ပွားခဲ့ခြင်းဖြစ်ပြီး ညလုံးပေါက်လောင်ကျွမ်းခဲ့ကြောင်း အာဏာပိုင်များက ပြောကြားခဲ့သည်။ ထို့ပြင် ကယ်ဆယ်ရေးသမားများသည် အခြားလူသုံးဦးကို လိုက်လံရှာဖွေနေဆဲဖြစ်ကြောင်း အာဏာပိုင်များကပြောကြားခဲ့သည်။

မီးလောင်မှုအတွင်း သေဆုံးသူများထဲတွင် မီးသတ်တပ်ဖွဲ့ဝင်(၄)ဦးပါဝင်ကြောင်း ထိုင်ဝမ်မီးသတ်ဌာနက ပြောကြာားခဲ့သည်။ မီးလောင်မှုဖြစ်ပွားပြီးနောက် ကယ်ဆယ်ရေးသမားများသည် ထိခိုက်ဒဏ်ရာရရှိခဲ့သူ လူပေါင်း(၁၀၀)ကျော်ကို ဆေးရုံးသို့ ပို့ဆောင်ခဲ့ကြောင်းသိရသည်။ အဆိုပါမီးလောင်ကျွမ်းမှုဖြစ်ပွားရသည့်အချက်ကို ဆက်လက်စုံစမ်းစစ်ဆေးနေဆဲဖြစ်ကြောင်း Pingtung ကောင်တီတရားသူကြီး Chou Chun-mi ကပြောကြားခဲ့သည်။

၎င်းက "ဒီဖြစ်ရပ်အတွင်းမှာ အသက်ဆုံးရှုံးသွားတဲ့သူတွေရဲ့ မိသားစုဝင်တွေရဲ့ ဝမ်းနည်းပူဆွေးမှုကို သိပါတယ်။ ဒီကိစ္စနဲ့ပတ်သက်ပြီး တောင်းပန်စကားပြောယုံကလွဲလို့ တခြား ဘာမှမပြောနိုင်တော့ပါဘူး"ဟု ပြောဆိုခဲ့သည်။

မီးသတ်သမားများသည် မီးငြှိမ်းသတ်ရန် ကြိုးပမ်းနေစဉ် သဘာဝဓါတ်ငွေ့များကြောင့် ပေါက်ကွဲမှုများဖြစ်ပွားခဲ့ခြင်းဖြစ်နိုင်ဖွယ်ရှိကြောင်း အာဏာပိုင်များက ထပ်မံပြောကြားခဲ့သည်။