ရောင်နီ (NSS)  - စက်တင်ဘာ ၁၇

         နယူးမက္ကဆီကိုပြည်နယ်အုပ်ချုပ်ရေးမှူး မီချယ်လ်လူဂျန်ဂရစ်ရှန်က ပြည်နယ်ရဲ့ အကြီးဆုံး မြို့ပြဧရိယာ Albuquerque နဲ့ ၎င်းရဲ့အနီးတစ်ဝိုက်ရှိ ပန်းခြံတွေနဲ့ ကစားကွင်းတွေမှာ သေ နတ်ကိုင်ဆောင်ခွင့်အပေါ် အပြင်းအထန်ဝေဖန်မှုတွေရှိလာတာကြောင့် ၎င်းနေရာတွေမှာ သေနတ်ကိုင်ဆောင်ခွင့် ဆိုင်းငံ့လိုက်တယ်လို့  သောကြာနေ့ (စက်တင်ဘာလ ၁၅ ရက်)မှာပြောကြားခဲ့ပါတယ်။ 

မက္ကဆီကိုပြည်နယ်အုပ်ချုပ်ရေးမှူး  မီချယ်လ်လူဂျန်ဂရစ်ရှန်ဟာ ပြီးခဲ့တဲ့သီတင်းပတ်က Albuquerque လမ်းမပေါ်မှာ အသက်(၁၁)နှစ်အရွယ် ကလေးငယ်တစ်ဦး သေဆုံးမှုအပါ အဝင် သေနတ်နဲ့အကြမ်းဖက်မှုတွေအတွက် သောကြာနေ့ (စက်တင်ဘာလ ၁၅ ရက်) က ပြည်သူ့ကျန်းမာရေးတုံ့ပြန်မှုအဖြစ် အမိန့်အသစ်ထုတ်ပြန်ခဲ့ပြီး ဖက်ဒရယ်တရားသူကြီးမှ ယခင်ကတည်းက ချမှတ်ထားတဲ့ သေနတ်ကိုင်ဆောင်ခွင့် ဆိုင်းငံ့မှုကို ယခု ထပ်မံ ဘောင် ခတ်လိုက်ပါတယ်။ 

အဆိုပါ ဆိုင်းငံ့မှုဟာ သေနတ်ကိုင်ဆောင်ခွင့် အခွင့်အရေးနဲ့ လူထုလုံခြုံရေးအကြား လွန်ဆွဲမှုတွေ ဖြစ်လာခဲ့ပါတယ်။ သေနတ်ကိုင်ဆောင်ခွင့် အခွင့်အရေး ထောက်ခံသူတွေက ၎င်းကို ငြင်းခုံခဲ့ကြပြီး အယ်လ်ဘူကွာကွီ နဲ့ ဘာနာလီလို ကောင်တီရှိ နေရာအားလုံးမှာ သေနတ်ကိုင်ဆောင်ခွင့် ရက်ပေါင်း (၃၀)ဆိုင်းငံ့ထားမှုဟာ ၂၀၂၂ ခုနှစ် အမေရိကန်တရားရုံးချုပ်ရဲ့ သေနတ်ကိုင်ဆောင်ခွင့် အခွင့်အရေးဆိုင်ရာစီရင်ချက်နဲ့ ဆန့်ကျင်နေတယ်လို့ ဆိုခဲ့ပါတယ်။ နယူးမက္ကဆီကို ဥပဒေပြုလွှတ်တော်နှစ်ရပ်လုံးမှ ဒီမိုကရက်ခေါင်းဆောင်တွေကတော့ လူဂျန်ဂရစ်ရှန် ရဲ့ သေနတ်ကိုင်ဆောင်ခွင့် ဆိုင်းငံချက်ကို ထောက်ခံခဲ့ကြပါတယ်။         

အဆိုပါ ဆိုင်းငံ့မှုနဲ့ပတ်သတ်ပြီး အထူးအစည်းအဝေးခေါ်ဖို့ အစီအစဉ်မရှိဘူးလို့ လူဂျန်ဂရစ်ရှန်က သောကြာနေ့ (စက်တင်ဘာလ ၁၅ ရက်) မှာ ပြောကြားခဲ့ပါတယ်။