ပြင်ဦးလွင်မြို့ရှိ ပိတ်ချင်းမြောင်မီးစက်ကြီးရေတံခွန်တွင် လူလတ်ပိုင်းအရွယ် အမျိုးသားတစ်ဦး ရေနစ်သေဆုံး
စော(NSS) - ဩဂုတ် ၂၈
မန္တလေးတိုင်း၊ ပြင်ဦးလွင်ခရိုင်၊ ပြင်ဦးလွင်မြို့နယ်တွင် အသက် (၂၃)နှစ်အရွယ် အမျိုးသားတစ်ဦး ရေနစ်သေဆုံးခဲ့ကြောင်း သိရသည်။
ဖြစ်စဉ်မှာ ယနေ့(ဩဂုတ်လ ၂၈ ရက်)၊ နေ့လည်(၁၁)နာရီခွဲအချိန်တွင် ပြင်ဦးလွင်မြို့နယ်၊ ပိတ်ချင်းမြောင်မီးစက်ကြီးရေတံခွန်၌ အထက်ပါကဲ့သို့ဖြစ်ပွားခဲ့ခြင်းဖြစ်ကြောင်း သန္တိသုခအခမဲ့လူမှုကူညီရေးအသင်းထံမှသိရသည်။
“သူတို့ကနစ်တယ်လို့ ဖုန်းဆက်ပြောမှသွားရတာဆိုတော့ ဖြစ်စဉ်အတိအကျကြီးတော့ မသိရဘူး။ သွားတာလေးယောက်မှာ တစ်ယောက်နစ်တာလို့သိရတယ်။ ဒါပေမယ့် အတိအကျပြောလို့မရသေးဘူး”ဟု သန္တိသုခ အခမဲ့လူမှုကူညီရေးအသင်းမှ တာဝန်ရှိသူတစ်ဦးက NSS ကိုပြောသည်။
အဆိုပါ အမျိုးသား၏ရုပ်အလောင်းအား မွန်းလွဲ (၁)နာရီခွဲအချိန်တွင် ပြန်လည်ရှာဖွေတွေ့ရှိခဲ့ပြီး ပြင်ဦးလွင်မြို့နယ်ရှိ ကုတင် (၇၀၀)တပ်မတော်ဆေးရုံသို့ ပို့ဆောင်ထားကြောင်း သိရသည်။
အလားတူ ပြီးခဲ့သည့် (ဩဂုတ်လ ၂၅ ရက်)၊ ညနေ (၃)နာရီအချိန်တွင် စစ်ကိုင်းတိုင်း၊ စစ်ကိုင်းမြို့၊ ပန်းဘဲတန်းအနောက်ပိုင်းရှိ မောင်တော်နှမတော်ကန်အတွင်း၌ စိတ်ကျန်းမာရေးမကောင်းသည့် အသက် (၂၉)နှစ် အရွယ် အမျိုးသားတစ်ဦး ရေနစ်သေဆုံးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အောက်တိုဘာလအစောပိုင်းတွင် မြန်မာတစ်နိုင်ငံလုံးမှ မုတ်သုံထွက်ခွာနိုင်သော်လည်း မိုးရွာသွန်းမှုများဆက်လက်ဖြစ်ပေါ်နိုင်ဟု မိုးဇလခန့်မှန်း
RELATED POSTS
22 Nov 2024 | မှုခင်း,ပြည်တွင်း
