သန့်ဇင်(NSS) - ဩဂုတ် ၂၇

ရှမ်းပြည်နယ်၊ မိုင်းဆက်မြို့နယ်တွင် ဆာလာအိတ်အတွင်းမှ ငွေကျပ်(၇၂၈)သိန်းတန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း သိရသည်။

မြန်မာနိုင်ငံမူးယစ်ဆေးဝါးတာဆီးနှိမ်နင်းရေး ရဲတပ်ဖွဲ့က အဆိုပါ မူးယစ်ဆေးဝါးများကို ဩဂုတ်လ ၂၆ ရက်၊ မွန်းလွဲ ၁၂နာရီခွဲအချိန်တွင် မိုင်းဆက်မြို့နယ်၊ မိုင်းခုတ်မြို့၊ ရှုခင်းသာ(၃)ကျေးရွာအနီးတွင် ဖမ်းဆီးရမိခဲ့ကြောင်း သိရသည်။

အဆိုပါ ကျေးရွာအနီးတွင် လီလောင်(ခ)ဂျော်နီ(၃၀)နှစ် မောင်းနှင်လာသည့် ဆိုင်ကယ်အား ရပ်တန့်စစ်ဆေးရှာဖွေခဲ့ရာ ဆိုင်ကယ်ခွကြားတွင် တင်ဆောင်လာသည့် ဆာလာအိတ်အတွင်းမှ ငွေကျပ် (၇၂၈) သိန်းတန်ဖိုးရှိ စိတ်ကြွရူးသွပ်ဆေးပြား(၁၈၂၀၀၀)အား ဖမ်းဆီးရမိခဲ့ကြောင်း သိရသည်။

ထို့ကြောင့် ၎င်းအား မိုင်းခုတ်နယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေဖြင့် အမှုဖွင့်အရေးယူထားပြီး ကွင်းဆက်များအား ဖော်ထုတ်စစ်ဆေးလျက်ရှိကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သတင်းထုတ်ပြန်ထားသည်။