ငှက်ပျောတန်းဆိပ်ကမ်း၌ အသက်(၃၅)နှစ်ဝန်းကျင်အရွယ်ရှိ အမျိုးသားအလောင်းတွေ့ရှိ
စော(NSS) - ဩဂုတ် ၂၄
ရန်ကုန်တိုင်း၊ ကြည့်မြင်တိုင်မြို့နယ်၊ ငှက်ပျောတန်းဆိပ်ကမ်းတွင် အသက်(၃၅)နှစ်ဝန်း ကျင်အရွယ်ရှိ အမျိုးသားအလောင်းတစ်လောင်းကိုတွေ့ရှိခဲ့ကြောင်း သိရသည်။
အဆိုပါ အလောင်းအား ယနေ့(ဩဂုတ်လ ၂၄ ရက်)၊ နေ့လည် (၁၂)နာရီအချိန်တွင် တွေ့ရှိခဲ့ခြင်းဖြစ်ကြောင်း လင်းလက်လူမှုကူညီရေးအသင်းထံမှ သိရသည်။
“ရေလယ်ခေါင်မှာပေါ်လာပေါ့။ (၈)ရက်လောက်တော့ရှိပြီထင်တယ်။ အရေခွံတွေပါလန်နေပြီးတော့ အညိုအမည်းတောင်စွဲနေပြီ။ ပြင်ပဒဏ်ရာအနေနဲ့တော့မရှိဘူး။ ကျောဘက်က အနီကွက်ကြီးက လှိုင်းရိုက်ထားလို့ထင်ပါတယ်”ဟု လင်းလက်လူမှုကူညီရေးအသင်းမှ တာဝန်ရှိသူတစ်ဦးက NSS ကိုပြောသည်။
အဆိုပါအမျိုးသားသည် အသက်(၃၅)နှစ်အရွယ်ဝန်းကျင်အရွယ်ရှိပြီး ၎င်းနှင့်ပတ်သက်သည့် မည်သည့်အချက်အလက်မှ မသိရသေးကြောင်း သိရသည်။
လက်ရှိတွင် ၎င်း၏ရုပ်အလောင်းအား ရန်ကုန်ပြည်သူ့ဆေးရုံကြီးသို့ ပို့ဆောင်ထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရုတ်ဖက်က ကန့်ကွက်မှုများရှိသော်လည်း ဂျပန်နိုင်ငံက နျူကလီးယားဓါတ်အားပေးစက်ရုံမှ ရေဆိုးများကို ပင်လယ်ထဲသို့ စတင်စွန့်ပစ်
RELATED POSTS
22 Nov 2024 | မှုခင်း,ပြည်တွင်း
