ရောင်နီ (NSS) - ဩဂုတ် ၅

        စင်ကာပူမှာ အမျိုးသားနေ့ အထိမ်းအမှတ်အဖြစ် KFC ကြက်ကြော်ကုမ္ပဏီက စင်ကာပူရဲ့ နာမည်ကြီး သင်္ကေတတွေပါဝင်တဲ့ KFC ဦးထုပ်၊ အိတ် နဲ့ တီရှပ်တွေကို သြဂုတ်လ ၇ ရက်မှစပြီး အကန့်အသတ်နဲ့ ထုတ်ဝေမယ်လို့ သိရပါတယ်။ 

အဆိုပါ ပစ္စည်းတွေကို အမျိုးသားနေ့ အထိမ်းအမှတ်အဖြစ် ပြည်တွင်းမှ streetwear ဒီဇိုင်နာ အားမိုစ့်အာနန်ဒါ နဲ့ ပူးပေါင်းကာ စင်ကာပူရဲ့ အထင်ကရတွေဖြစ်တဲ့ Toa Payoh နဂါးမီးကစားနေတဲ့ပုံနဲ့ ရေခဲမုန့်တွန်းလှည်းပုံတွေကို စိတ်ကူးယဉ်ဖန်တီးပြီး ဒီဇိုင်းနှစ်မျိုးနဲ့ ထုတ်လုပ်မှာဖြစ်တယ်လို့ သိရပါတယ်။ အားမိုစ့်ဟာ ၂၀၂၁ ခုနှစ်ကလည်း KFC ရဲ့ အမှတ်တရ ပစ္စည်းထုတ်ကုန်တွေအတွက် ဦးထုတ်၊ ဘေးလွယ်အိတ်နဲ့ တီရှပ် အိုင်ဒီယာတွေ စဉ်းစားကာ ပူးပေါင်းထုတ်လုပ်ခဲ့ဖူးပါတယ်။ အခုထုတ်လုပ်တဲ့  ဦးထုပ်တွေဟာ တစ်လုံးကို စင်ကာပူဒေါ်လာ ၂၉.၉၅  ကျသင့်မှာဖြစ်ပြီး တနင်္လာနေ့ (သြဂုတ်လ ၇ ရက်)၊ နေ့လည် ၁၂ နာရီမှစတင်ကာ KFC ရဲ့ ဝက်ဘ်ဆိုက်မှတစ်ဆင့် ဝယ်ယူနိုင်မှာဖြစ်ပါတယ်။ ပစ္စည်းကတော့ အကန့်အသတ်နဲ့သာ ရနိုင်မယ်လို့ သိရပါတယ်။ 

          KFC ရဲ့အမှတ်တရ ထုတ်ကုန်တွေမှာ ထည့်သွင်းထားတဲ့ နဂါးပုံသဏ္ဍာန်နဲ့ရေခဲမုန့်တွန်းလှည်းပုံတွေဟာ စင်ကာပူရဲ့ အတိတ်နဲ့လက်ရှိကို ရည်ညွှန်းခြင်းဖြစ်ပြီး အတိတ်က ကျွန်တော်တို့ ဘယ်ကဆင်းသက်လာတယ်ဆိုတာနဲ့ဆက်လက်ရှေ့ဆက်မယ့် တောက်ပတဲ့ အနာဂါတ်အတွက် ရည်ညွှန်းတယ်လို့ ဒီဇိုင်နာ အားမိုစ်အနန်ဒါက ဆိုပါတယ်။