စော(NSS) - ဩဂုတ် ၂

လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနတွင် တာဝန်ထမ်းဆောင်ရန် လစ်လပ်နေသော မြေတိုင်း-၅ ရာထူး (၃၅၆)နေရာကို ခေါ်ယူသွားမည်ဖြစ်ကြောင်း သိရသည်။

စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန၊ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှ ယနေ့(ဩဂုတ်လ ၂ရက်)တွင် အထက်ပါကဲ့သို့ ကြေညာထားခြင်းဖြစ်သည်။

အဆိုပါရာထူး(၃၅၆)နေရာအနက် နေပြည်တော်တွင် (၁၆)ဦးအပါအဝင် ကချင်ပြည်နယ်တွင် (၁၈)ဦး၊ ကယားပြည်နယ်တွင်(၇)ဦး၊ ကရင်ပြည်နယ်တွင် (၁၂)ဦး၊ ချင်းပြည်နယ်တွင် (၁၀)ဦး၊ မွန်ပြည်နယ်တွင် (၁၀)ဦး၊ ရခိုင်ပြည်နယ်တွင် (၁၆)ဦးနှင့် ရှမ်းပြည်နယ်တွင် (၅၆)ဦးတို့ကို ခေါ်ယူသွားမည်ဖြစ်ကြောင်း ထုတ်ပြန်ထားသည်။

ထို့ပြင် ရန်ကုန်တိုင်းတွင် (၂၁)ဦး၊ စစ်ကိုင်းတိုင်းတွင် (၃၅)ဦး၊ တနင်္သာရီတိုင်းတွင် (၁၄)ဦး၊ ပဲခူးတိုင်းတွင် (၃၆)ဦး၊ မကွေးတိုင်းတွင် (၃၁)ဦး၊ မန္တလေးတိုင်းတွင် (၃၀)ဦးနှင့်  ဧရာဝ တီတိုင်းတွင် (၄၄)ဦးတို့ကို ခေါ်ယူသွားမည်ဖြစ်ကြောင်း ထုတ်ပြန်ချက်အရသိရသည်။

အဆိုပါ ရာထူးနေရာအတွက် အမျိုးသားများကိုသာခန့်အပ်သွားမည်ဖြစ်ပြီး ဩဂုတ်လကုန်တွင် အသက်(၂၇)နှစ်မကျော်လွန်သူဖြစ်ရန်လိုအပ်ကြောင်း ထုတ်ပြန်ချက်တွင်ပါရှိသည်။

ထို့ပြင် လျှောက်ထားသူများသည် မြန်မာစာ၊ အင်္ဂလိပ်စာ၊ အထွေထွေဗဟုသုတစသည့် ဘာသာများကို ရေးဖြေစာမေးပွဲဖြေဆိုရမည်ဖြစ်ပြီး စာမေးပွဲအောင်မြင်သူများကို လူတွေ့နှုတ်ဖြေစာမေးပွဲနှင့် ကွန်ပျူတာကျွမ်းကျင်မှုစစ်ဆေးခြင်းများ ပြုလုပ်သွားမည်ဖြစ်ကြောင်း သိရသည်။

အဆိုပါ  လျှောက်လွှာများကို ၂၀၂၃ ခုနှစ် ၊ ဩဂုတ်လ(၃၁)ရက်တွင် နောက်ဆုံးထား၍ ပေးပို့လျှောက်ထားရမည်ဖြစ်ကြောင်း ထုတ်ပြန်ထားသည်။