လေယာဉ်စရိတ်သက်သာသော မြန်မာနိုင်ငံကို ပွင့်လင်းရာသီတွင် ထိုင်းခရီးသွားများ အများဆုံးလာရောက်နိုင်ဟု ခန့်မှန်း
NSS - ဇူလိုင် ၂၈
လာမည့် ခရီးသွားရာသီ၌ လေယာဉ်စရိတ်သက်သာစွာဖြင့်လည်ပတ်နိုင်မည့် မြန်မာနိုင်ငံကိုထိုင်းခရီးသွား အများဆုံးဝင်ရောက်လာနိုင်တယ်လို့ မြန်မာနိုင်ငံခရီးသွားလုပ်ငန်းရှင်များအသင်းမှ သိရပါတယ်။
မြန်မာနှင့် ဘန်ကောက်အကြား လေကြောင်းလိုင်းများပြားသည့်အပြင် လေယာဉ်လက်မှတ်ခ ကုန်ကျစရိတ် သက်သာသောကြောင့် ထိုင်းခရီးသွားတွေအများဆုံး လာရောက်လည်ပတ်နိုင်ကြောင်း မြန်မာနိုင်ငံခရီးသွား လုပ်ငန်းရှင်များအသင်းက ခန့်မှန်းထားသည်။
“မြန်မာနဲ့ ဘန်ကောက်ကြားမှာ လေယာဉ်ကြောင်းလိုင်းပျံသန်းမှုတွေဟာ တစ်နေ့ကို (၇)ကြောင်း၊ (၈)ကြောင်း လောက်ရှိတဲ့အတွက် ပွင့်လင်းရာသီမှာ ထိုင်းခရီးသွားတွေ အများဆုံးဝင်ရောက်လာနိုင်တယ်” လို့ မြန်မာနိုင်ငံ ခရီးသွားလုပ်ငန်းရှင်များအသင်းဥက္ကဋ္ဌ ဦးနောင်းနောင်းဟန်က ပြောသည်။
ထိုင်းခရီးသွားတွေအပြင် တရုတ်ခရီးသွားများက ဒုတိယအများဆုံးနဲ့ ရုရှားခရီးသွားတွေဟာ တတိယအများဆုံး မြန်မာပြည်ကို ဝင်ရောက်လာနိုင်ကြောင်း သိရသည်။
မိုးရာသီအတွင်း ဟိုတယ်နဲ့ လေယာဉ်ခများ ဈေးလျှော့ပေးနေသည့်အပြင် အခုမိုးကာလမှာ ထိုင်းခရီးသွားများ အတွက် အသွားအပြန်လေယာဉ်လက်မှတ်ခအမေရိကန်ဒေါ်လာ (၁၅ဝ)လောက်သာ ကုန်ကျတာကြောင့် ထိုင်းခရီးသွားတွေ ပြည်တွင်းကို အများဆုံးဝင်ရောက်နေကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဒီမိုကရေစီစနစ်ပြန်လည်ထွန်းကားရေးသည် မြန်မာနိုင်ငံ နှင့် ပြည်သူများ၏ အနာဂတ်များအတွက် အရေးပါသည့် အခြေအနေတွင်ရှိနေဟု ILO ဆို
RELATED POSTS
20 Nov 2024 | ခရီးသွား,နိုင်ငံတကာ
14 Nov 2024 | ခရီးသွား,ပြည်တွင်း
12 Nov 2024 | ခရီးသွား,ပြည်တွင်း
