Pika (NSS) - ဇူလိုင် ၂၇

လီဗာပူးလ်ကွင်းလယ်ကစားသမား ဟန်ဒါဆန်သည် ဆော်ဒီအာရေးဗျကလပ်တစ်ခုဖြစ်သော  Al-Ettifaq သို့ အပြီးသတ်ပြောင်းရွှေ့ရန်ပြင်ဆင်နေပြီး လီဗာပူးလ်အသင်းမှ ထွက်ခွါတော့မည်ဖြစ်ကြောင်း အတည်ပြုပြောခဲ့သည်။ 

ဟန်ဒါဆန်သည် လီဗာပူးလ်အသင်းအတွက်(၁၂)နှစ်အတွင်း ပွဲပေါင်း(၄၉၂)ပွဲ ကစားပေးခဲ့ပြီးနောက် ဆော်ဒီအာရေး ဗျကလပ် Al-Ettifaq ကို ပေါင်(၁၂)သန်းဖြင့် အပြီးသတ်ပြောင်းရွှေ့ရန် စီစဉ်နေပြီဖြစ်ကြောင်း သိရသည်။ ဟန်ဒါဆန် က "လီဗာပူးလ်အသင်းမှာ (၁၂)နှစ်ကြာ ကစားခဲ့ကာလတွေကို စကားလုံးတွေနဲ့ပြောပြဖို့ ခက်ခဲပါ တယ်။ ဒီအသင်းသားတွေကိုလည်း နှုတ်ဆက်ဖို့ တကယ်ကိုခက်ခဲပါတယ်။ ကျွန်တော်က အမြဲတမ်း လီဗာပူးလ် အသင်းရဲ့ကစားသမားတစ်ဦးဖြစ်တယ်ဆိုတာကို အမှတ်ရနေမှာပါ။ အရာအာလုံးအတွက် အသင်းကစားသမား တွေ၊ ပရိသတ်တွေ၊ တာဝန်ရှိသူတွေအားလုံးကိုလည်း ကျေးဇူးတင်ပါတယ်" ဟု ပြောခဲ့သည်။

ဆော်ဒီအာရေးဗျကလပ် Al-Ettifaq သို့ သွားရောက်ကစားမည့် ဟန်ဒါဆန်၏ နိုင်ငံတကာကစားသမားဘဝသည် ပြီးဆုံးသွားခြင်း ရှိ/မရှိ ဆိုသည့်အချက်ကို စောင့်ကြည့်ရဦးမည်ဖြစ်ကြောင်း သိရသည်။ ဟန်ဒါဆန်သည် ဩဂုတ်လ (၁၄)ရက်တွင် စီရော်နယ်ဒိုကစားနေသော အယ်လ်နာဆာအသင်းနှင့် Al-Ettifaq အသင်းတို့ ယှဉ်ပြိုင်ကစားမည့်ပွဲ တွင် ပွဲဦးထွက်ကစားသွားနိုင်ဖွယ်ရှိနေကြောင်း သိရသည်။