ဘိုကလေးမြို့၌ အမျိုးသားတစ်ဦး မိချောင်းဆွဲခံရမှုဖြစ်ပွား
NSS - ဇူလိုင် ၂၇
ဧရာဝတီတိုင်း၊ ဘိုကလေးမြို့နယ်အတွင်း၌ ယနေ့ (ဇူလိုင်လ ၂၇ ရက်)၊ နံနက်ပိုင်းအချိန်က အမျိုးသားတစ်ဦး မိချောင်းဆွဲခံရမှုဖြစ်ပွားခဲ့ကြောင်း ဒေသခံ လူမှုရေးကူညီရေးအဖွဲ့များထံမှ သိရသည်။
ယနေ့ နံနက် ၆ နာရီခန့်က ဖျာပုံခရိုင်၊ ဘိုကလေးမြို့နယ်၊ သရော်ချောင်းကျေးရွာအုပ်စုရှိ ဘောဂဝတီကျေးရွာတွင် အမျိုးသားတစ်ဦး မိချောင်းဆွဲခံရခြင်းဖြစ်သည်။
"သူက ချောင်းမှာထောင်ထားတဲ့ ငါးဖမ်းပိုက်ကို သွားဖော်တဲ့အချိန် ဆွဲခံရတာ။ အခုထိတော့ ရှာမတွေ့သေးဘူး။ မြစ်ဝကျွန်းဆိုတော့ ချောင်းတွေမှာ မိချောင်းပေါတယ်"လို့ ဒေသခံတစ်ဦးက ပြောသည်။
မိချောင်းဆွဲခံခဲ့ရသူ အမျိုးသားသည် ဘောဂဝတီကျေးရွာနေ ဦးရဲနောင်(၃၅)နှစ်ဖြစ်ပြီး နှာကြီးချောင်းအတွင်း ထောင်ထားသည့် ငါးဖမ်းပိုက်ကို သွားဖော်နေစဉ်မိချောင်းဆွဲခံရခြင်းဖြစ်သည်။
ဦးရဲနောင်၏ ရုပ်အလောင်းကို သက်ဆိုင်ရာ တာဝန်ရှိသူများနှင့် ဒေသခံများ ပူးပေါင်းရှာဖွေနေသော် လည်း ပြန်လည်တွေ့ရှိခြင်းမရှိသေးကြောင်းသိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အွန်လိုင်းမှတဆင့် လိမ်လည်ခေါ်ယူခံခဲ့ရပြီး မြန်မာနိုင်ငံရှိ လူကုန်ကူးဂိုဏ်များတွင် ခိုင်းစေခံနေရသည့် အိန္ဒိယနိုင်ငံသား(၁၅)ဦးကို နေရပ်ပြန်ပို့
RELATED POSTS
22 Nov 2024 | မှုခင်း,ပြည်တွင်း
