စော (NSS) - ဇူလိုင် ၂၇

ရှမ်းပြည်နယ်၊ နမ့်စန်မြို့တွင် နေအိမ်၌ ပုပ်ပွသေဆုံးနေသော အမျိုးသားအလောင်း တစ်လောင်းကိုတွေ့ရှိခဲ့ကြောင်း သိရသည်။

အဆိုပါ အ‌လောင်းကို ယမန်နေ့(ဇူလိုင်လ ၂၆ ရက်)၊ မွန်းလွဲ (၁၂)နာရီအချိန်တွင် နမ့်စန်မြို့၊ အမှတ် (၁)ရပ်ကွက်၌ တွေ့ရှိခဲ့ခြင်းဖြစ်ကြောင်း တောင်တန်းလူငယ်လူမှုကူညီရေးအသင်းထံမှ သိရသည်။

“ရပ်ကွက်ဘေးအိမ်က အပုပ်နံ့အရမ်းနံလာတယ်။ နောက်ပြီး ယင်ကောင်တွေကလည်းအများကြီး ရောက်လာတယ်ဆိုပြီး  ရပ်ကွက်လူကြီးကတစ်ဆင့်  ကျွန်တော်တို့ ဆီဖုန်းဆက်လာတာပါ။ သူက ဘုရားကိုထိုင် ရှိခိုးနေတဲ့ အချိန် ဦးချပြီးဆုံးသွားတယ်ထင်ပါတယ်။ သူဖုန်း Contact ကိုကြည့်တာတော့ သူဆုံးနေတာ တစ်ပတ်လောက်ရှိပြီထင်တယ်”ဟု တောင်တန်းလူငယ်လူမှုကူညီရေးအသင်းမှ တာဝန်ရှိသူတစ်ဦးက NP News ကိုပြောသည်။

အဆိုပါ အမျိုးသားသည် အသက်(၅၀)ဝန်းကျင်အရွယ်ရှိ ဆေးဆရာတစ်ဦးဖြစ်ပြီး တစ်‌ဦးတည်း နေထိုင်သူဖြစ်ကြောင်း သိရသည်။

“သူကတစ်ယောက်ထဲနေတာပါ။ သူကဆေးဆရာတစ်ဦးလို့လည်းပြောတယ်။ ရပ်ကွက်ထဲမှာ သူကဆေးတွေဘာတွေလိုက်ထိုးပေးတယ်လိုပြောတယ်။ လက်မှတ်တွေဘာတွေရထားတဲ့ ဆရာဝန်တော့မဟုတ်ဘူး”ဟု ၎င်းကဆက်လက်ပြောသည်။

၎င်း၏ရုပ်အလောင်းအား မေတ္တာရှင်နာရေးကူညီမှုအသင်းမှ နမ့်စန်မြို့မသုသာန်သို့ ပို့ဆောင်ထားကြောင်း သိရသည်။