စစ်ကိုင်း၌ ကားတစ်စီး ဘရိတ်ပေါက်၍ တိမ်းမှောက်မှုကြောင့် လိုက်ပါလာသူ(၈)ဦးအနက် တစ်ဦးသေဆုံး
စော (NSS) - ဇူလိုင် ၂၄
စစ်ကိုင်းတိုင်း၊ ခန္တီးခရိုင်၊ လဟယ်မြို့နယ်၌ ကုန်တင်ကားတစ်စီး ဘရိတ်ပေါက်၍ တိမ်းမှောက်ခဲ့ခြင်းကြောင့် အမျိုးသား (၈)ဦးအနက် တစ်ဦး သေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့ထံမှ သတင်းရရှိသည်။
ဖြစ်စဉ်မှာ ယမန်နေ့(ဇူလိုင်လ ၂၃ ရက်)၊ မွန်းလွဲ (၂)နာရီခွဲအချိန်တွင် လဟယ်မြို့နယ်၊ လဟယ်-နန်းယွန်းကားလမ်းမကြီး၌ အထက်ပါကဲ့သို့ဖြစ်ပွားခဲ့ခြင်းဖြစ်ကြောင်း သိရသည်။
၎င်းကားလမ်းမကြီးပေါ်တွင် FORLAND အဖြူရောင်ယာဉ်သည် ဘရိတ်ရှူးပေါက်၍ ယာဉ်တိမ်းမှောက်ခဲ့ခြင်းကြောင့် လဟယ်မြို့နယ်မီးသတ်စခန်းမှ သွားရောက်ကူညီခဲ့ကြောင်း သိရသည်။
ယာဉ်တိမ်းမှောက်မှုကြောင့် ယာဉ်ပေါ်တွင်လိုက်ပါလာသည့် အမျိုးသား (၈)ဦးအနက် အမျိုးသား (၁)ဦးသေဆုံးခဲ့ပြီး ကျန်အမျိုးသား (၇)ဦးသည် ထိခိုက်ဒဏ်ရာများရရှိခဲ့ကြောင်း သိရသည်။
၎င်းတို့အား မြို့နယ်ပြည်သူ့ဆေးရုံမှ လူနာတင်ယာဉ်ဖြင့် လဟယ်မြို့နယ်ပြည်သူ့ဆေးရုံသို့ ပို့ဆောင်ခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာနိုင်ငံကူးလက်မှတ်အသစ်ပြန်လည်လျှောက်ထားသူများသည် ဘတ်(၄၉၀၀)ပေးသွင်းရမည်ဟု ထိုင်းရှိ မြန်မာသံရုံးဆို
RELATED POSTS
22 Nov 2024 | မှုခင်း,ပြည်တွင်း
