ဒဂုံမြို့သစ်မြောက်ပိုင်းတွင် ဘေးတွဲဆိုင်ကယ်မောင်းသူတစ်ဦး သေနတ်ဖြင့် ပစ်သတ်ခံရ
NSS - ဇူလိုင် ၂၁
ရန်ကုန်တိုင်း၊ ဒဂုံမြို့သစ်(မြောက်ပိုင်း)တွင် ဘေးတွဲဆိုင်ကယ်မောင်းသူတစ်ဦး သေနတ်ဖြင့် ပစ်ခတ်သတ်ဖြတ်ခံခဲ့ရကြောင်း သတင်းရရှိသည်။
ဖြစ်စဥ်မှာ ယမန်နေ့(ဇူလိုင်လ ၂၀ ရက်)၊ ည(၇)နာရီခွဲအချိန်ခန့်တွင် ဒဂုံမြို့သစ်မြောက်ပိုင်းမြို့နယ်၊ (၃၈)ရပ်ကွက်ရှိ ရာဇဓိရာဇ်လမ်းနှင့် ခရေလမ်းထောင့်တွင်ဖြစ်ပွားခဲ့ကြောင်း အခင်းဖြစ်ပွားရာနေရာအနီးတွင်နေထိုင်သည့် သတင်းအရင်းအမြစ်တစ်ဦးထံမှ သိရသည်။
အဆိုပါရပ်ကွက်တွင်နေထိုင်သည့် ဘေးတွဲဆိုင်ကယ်မောင်းသူ ဦးကျော်ဆန်းဝင်းသည် ၎င်းမောင်းနှင်သည့် ဘေးတွဲဆိုင်ကယ်ဖြင့် အပြင်မှ နေအိမ်သို့ပြန်လာစဥ် ပစ်သတ်ခံခဲ့ရကြောင်း အထက်ပါသတင်းအရင်းအမြစ်မှ ပြောသည်။
ဦးကျော်ဆန်းဝင်းသည် ၎င်း၏နေအိမ်သို့ပြန်လာစဥ် အခင်းဖြစ်ပွားရာနေရာအရောက်၌ ဆိုင်ကယ်ဖြင့်နောက်မှလိုက်လာသည့် လူ(၂)ဦးက သေနတ်ဖြင့် ပစ်ခတ်သတ်ဖြတ်ခဲ့ခြင်းဖြစ်ကြောင်း သိရသည်။
ဖြစ်စဥ်ကြောင့် ဦးကျော်ဆန်းဝင်းသည် နားထင်ကျည်ဖော်ဝင်ဒဏ်ရာရရှိကာ အခင်းဖြစ်ရာနေရာတွင် သေဆုံးခဲ့ကြောင်းသိရပြီး ၎င်းအား ရန်ကုန်ဆေးရုံကြီးသို့ ပို့ဆောင်ပေးခဲ့ကြောင်း အထက်ပါသတင်းအရင်းအမြစ်မှ ပြောသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယူကရိန်းဆိပ်ကမ်းမြို့များကို ရုရှားက တိုက်ခိုက်ခဲ့ရာ လူသုံးဦး သေဆုံးပြီး တရုတ်ကောင် စစ်ဝန်ရုံး ပျက်စီးဟုဆို
RELATED POSTS
22 Nov 2024 | မှုခင်း,ပြည်တွင်း
