NSS - ဇူလိုင် ၁၂

မန္တလေးတိုင်း၊ နွားထိုးကြီးမြို့နယ်တွင် ဈေးဝယ်ပြီးအိမ်သို့ပြန်လာသော အမျိုးသားတစ်ဦးကို PDF အဖွဲ့ကသေနတ်ဖြင့် ပစ်သတ်ထွက်ပြေးသွားခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။

ဖြစ်စဉ်မှာ ပြီးခဲ့သော (ဇူလိုင်လ ၉ ရက်)၊ ညနေ ၅နာရီ ၁၀မိနစ်အချိန်တွင် နွားထိုးကြီးမြို့နယ်၊ ညောင်ဇင်ကျေးရွာအနီးတွင် အထက်ပါကဲ့သို့ ဖြစ်ပွားခဲ့ကြောင်း သိရသည်။

သေဆုံးသူအမျိုးသားသည် နွားကြီးမြို့မှ နွားထိုးကြီး-ကျောက်တန်းသွားကားလမ်းအတိုင်း Light Ace ကားဖြင့် ၎င်း၏နေအိမ်သို့ပြန်လာစဉ် အထက်ပါကျေးရွာအနီးတွင် PDF အဖွဲ့အင်အား (၆)ဦးက ဆိုင်ကယ်(၃)စီးဖြင့် လိုက်ပါလာပြီး သေနတ်ဖြင့်ပစ်ခတ်ထွက်ပြေးသွားခဲ့ကြောင်း သိရသည်။

ထိုသို့ သေနတ်ဖြင့်ပစ်ခတ်သတ်ဖြတ်မှုကြောင့် ဖောင်ချဉ်းကျေးရွာနေ ဦးခင်မောင်ဆန်း(၅၉)နှစ်တွင် ကျည်ထိမှန်ဒဏ်ရာများရရှိကာ အခင်းဖြစ်ပွားရာနေရာ၌ သေဆုံးသွားခဲ့ကြောင်း ရဲတပ်ဖွဲ့မှပြောဆိုခဲ့သည်။

အထက်ပါဖြစ်စဉ်တွင် အကြောင်းမဲ့လုပ်ကြံသတ်ဖြတ်မှုကျူးလွန်ခဲ့သည့် အကြမ်းဖက်သမားများအား ဖော်ထုတ်ဖမ်းဆီး၍ အပြစ်ပေးအရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်လုပ်ဆောင်လျက် ရှိကြောင်း မြန်မာနိုင်ငံရဲတပ်ဖွဲ့က ထုတ်ပြန်ထားသည်။