အိမ်ခေါင်မိုးပေါ်တွင် ဝရိန်ဆော်နေသည့် အမျိုးသားတစ်ဦး ဓာတ်လိုက်မှု ထားဝယ်မြို့၌ ဖြစ်ပွား
စော (NSS) - ဇူလိုင် ၉
တနင်္သာရီတိုင်း၊ ထားဝယ်မြို့တွင် အိမ်ခေါင်မိုးပေါ်၌ ဝရိန်ဆော်နေသည့် အမျိုးသားတစ်ဦး ဓာတ်လိုက်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ ယနေ့(ဇူလိုင်လ ၉ ရက်)၊ နံနက် (၈)နာရီခွဲအချိန်တွင် ထားဝယ်မြို့၊ ကျောက်မော်ရပ်ကွက်၌ အထက်ပါကဲ့သို့ဖြစ်ပွားခဲ့ကြောင်း ဂရုဏာမေတ္တာရှင် သွေးလှူရှင်များအဖွဲ့ထံမှ သိရသည်။
အဆိုပါ အမျိုးသားသည် အိမ်ခေါင်းမိုးပေါ်တွင် ဝရိန်ဆော်နေစဉ် ဓာတ်လိုက်ခဲ့ခြင်းဖြစ်ပြီး ၎င်းအား ကရိန်းကားဖြင့် သယ်ယူခဲ့ရကြောင်း သိရသည်။
“ဘယ်လိုဖြစ်ပြီး ဓာတ်လိုက်သွားတာလဲတော့ မသိဘူး။ သူက ဝရိန်ဆော်နေရင်း ဓာတ်လိုက်သွားတာလို့ပဲ သိပါတယ်။ အခုတော့ အောက်ပိုင်းက သိပ်လှုပ်ရှားလို့မရတော့ဘူး။ ကျောမှာတော့ အပူလောင်ဒဏ်ရာရသွားတယ်။ ဓာတ်လိုက်ထားတဲ့လူနာဆိုတော့ စိုးရိမ်ရတာပေါ့”ဟု ဂရုဏာမေတ္တာရှင် သွေးလှူရှင်များအဖွဲ့မှ တာဝန်ရှိသူတစ်ဦးက NP News ကိုပြောသည်။
အဆိုပါအမျိုးသားသည် ကိုမျိုးထွန်းဦး(၄၉)နှစ်ဖြစ်ပြီး ထားဝယ်ဆေးရုံ၌ ဆေးကုသမှုခံယူလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မန်ယူအသင်းတွင်(၁၂)နှစ်ကြာ ကစားပြီးနောက် အသင်းမှထွက်ခွါတော့မည့် ဂိုးသမားဒီဂီယာ
RELATED POSTS
21 Nov 2024 | အထွေထွေ,ပြည်တွင်း
15 Nov 2024 | အထွေထွေ,ပြည်တွင်း
14 Nov 2024 | အထွေထွေ,နိုင်ငံတကာ